巴黎奥运．石伟雄｜冒断脚风险四度打止痛针 多谢自己坚持26年
香港体操代表石伟雄今届在巴黎第三度参加奥运，他在男子跳马资格赛未能跻身前八名入决赛，完成今届赛事。32岁的他在Facebook以长文抒发感受，指出“今次成绩虽然未如理想，但系我做到自己需要做到既本分，做到享受呢个舞台，做到平常心完全冇压力咁去比赛，我对得住自己，珍惜每一日仲可以练习同比赛既机会。”
石伟雄：感恩能三战奥运
6岁学体操，9岁入港队受训，石伟雄大半生均与体操结伴，从2012年初战奥运，4年后受伤患影响错失再战奥运机会，经过9年努力在东京重返奥运舞台，巴黎是他的第三次，他感言：“由上届东京奥运，要决定喺巴黎见大家，我做到啦，我好感恩可以第三次去奥运”。
他感谢教练，裁判，治疗师，医生，家人和每一位帮过他的人，还有“好感恩喺我背后默默支持我陪住我经历高低起跌既嘅香港市民。”
隐瞒家人入院做腰部手术
石仔表示，过去三年经历“已经唔可以用崎岖黎形容”，他细数，“要去世锦同奥运，一定要用世界杯拎积分黎（嚟）拎资格，所以由22年头开始我两只脚一直有伤都好都唔可以休息，特别系由上年世锦拎唔到资格后，我即刻做左（咗）个腰手术，我同医生讲唔好话比屋企人知，我自己一个人出入医院就得嫁（㗎）啦。”
他成功凭4站世界杯赛事佳绩，获得难度相当高的巴黎奥运跳马项目参赛资格，个中经历非笔墨能形容，他说由1月去荷兰集训，到4站世界杯，在第1站同第4站之前，他很低调地从荷兰回香港，即日来回就是为打消炎止痛针，更忆述他当时跟医生的对话。
冒断脚风险 三度从欧洲即日来回打止痛针
“打第一枝既（嘅）时候，医生话：‘会有断既（嘅）风险’，我话：‘明白，冇问题’。”
“到打第二枝，医生话：‘你上次打完唔够两个月㖞’，我话：‘系丫，只脚顶唔顺啦，又痛过。’医生话：‘唔好打咁密，两个月打两枝唔得嫁（㗎）。’我话：‘我唔怕丫，拣得去就冇得怕，都最后一站啦，我唔想系（喺）呢个时候跑唔到，我情愿断都唔要三五七十年后后悔自己点解当初唔行多步。”
“到去奥运前3星期，呢个时候又黎（嚟），谂都唔谂同总教练讲返香港打多枝。”到第三枝针，医生似乎放弃劝他，只说：‘好，即刻帮你安排，之后佢冇再讲野’。”
医生飞到巴黎为他打第四枝针
故事至此尚未完结，出发奥运前，“石仔”再问医生：“如果要再打多支，你可唔可以嚟法国帮我打？医生话：‘我睇吓情况啦，如果行得开可以嚟睇你比赛帮你打多支支援你。’”在比赛前数天，医生果然履行诺言，亲自到法国再次为“石仔”打针，让他可以无顾虑地安心比赛，石伟雄自言，“呢个比赛结果我觉得最无悔无憾啦，呢个过程我好满意。”医生以外，他的两位治疗师也放下生意飞到巴黎看他比赛，“佢地谂都唔谂即刻话黎，佢地即刻唔做生意即日飞过黎（嚟）睇我比赛，多谢你地。”
他说要多谢同感激太多人，“多谢每一位帮过我既人，我呢一世都会记得，多谢你地飞过黎（嚟）睇我又好，睇电视支持我又好，比完赛我收到每一位行过路过市民都讲声respect, proud of you,呢样系我最想见到既，多谢你地支持我，留意香港体操呢个运动，留意香港既运动员，感恩。”
“多谢你26年既坚持同努力”
最后他还说要多谢自己，“我呢26年既（嘅）体操生涯从来都冇多谢过我自己，多谢你26年既坚持同努力，艰难左26年都冇放弃，当我有78岁命，你坚持左1/3你既生命日复日年复年咁做，石仔多谢你。”
石伟雄在今届奥运资格赛后接受香港传媒访问，直言今次已尽力及无遗憾，“这三年间有太多挑战，同时有不少艰难时刻，第三次踏上（奥运）舞台好难得，与过往两次奥运十分不一样，是一个好好的经历。”他坦言今次赛事是“20多年最无压力的一次”，同时感激大家陪他走过这3年的旅程。
“石仔”三战奥运皆未能晋身决赛，但他先后在2014、2018两届亚运成功从中国、韩国和日本三大亚洲体操强国运动员手中，赢得跳马项目金牌，生涯纵不完美，但正如他本人所言，应已无遗憾。