陈蕾演唱会｜为请Nathan解释　认非议难避免：我知佢系点嘅人就得

陈蕾一连四场的红馆演唱会《念》今晚（5日）尾场，去到尾段鸣谢部分，她准备唱《凡星》时，被观众一句“多谢你呀！”感动到爆喊，之后喊住唱完这首歌。完骚后陈蕾接受访问，否认自己忍足四场，自言本身理性，觉得一喊就会声音受损、无法做完整演出，不过确实她听《荧光》、《念》时常常都很想喊，被问是否听到“多谢”就终于感动涌上心头，陈蕾说：“系，因为头三场大家讲‘陈蕾世一’、‘我爱你’、‘好靓呀’，但系我冇听过一句‘多谢陈蕾’。原来呢一句说话系咁感动，讲完仲要个个手上有个横幅，一拧转系写住‘多谢陈蕾’，好感动，真系忍唔住喇。”

讲到唱《伸缩自如的爱》时，她找来当时演出MV的《全民造星V》红组学员Kim（卓金乐）、Tiger Foo（符纪男）、Nathan（魏念恩）及亨仔（陈镇亨）伴奏。本身是《造星V》十强参赛者的Nathan，决赛前夕被堕楼身亡的前女友Jessie家人爆料，指他分手后仍向女友借钱、又要求删合照等，形象破产并宣布退赛后，他一直神隐近八个月。有网民对陈蕾请他做嘉宾感不满，更指陈蕾引爆公关灾难。

陈蕾解释为何会请这四位学员上台，她说拍MV时仍未入纸申请到红馆，几位问她为何做《造星》导师，她回答只是想多争取曝光，或许对申请通行证、入纸红馆有帮助，她笑说：“咁人少少得四个，我就话申请到就请你哋嚟做嘉宾啦！（之后系咪缩？）惊咗吓嘅！”不过她觉得这亦是一个机会让四位感受一下上红馆有几紧张。

对于邀请Nathan而惹批评，陈蕾坦言无可避免，她说：“我自己确实认识佢嘅人，知道佢系一个点样嘅男仔就得喇，我自己依然系好爱锡我所有嘅学员。节目系一时，但系我好相信缘份，喺呢个时期大家都有自己嘅难关，而佢哋能够认识到咁好能量嘅蕾老师，我都希望可以分更多嘅爱或者陪伴关怀，话俾佢哋知老师喺度。”

被问有否预料过外界会有此反应，陈蕾有预想过，始终Nathan的事当时回响很大，不过她在意真实存在自己身边的人的感受，多于外人的声音，又谓：“我希望我可以身体力行去话畀真系真实存在喺我身边，我好重要嘅家人、同事、好朋友听，我系一个咁样嘅人，我会兑现我嘅承诺，希望身体力行话畀你哋知，如果我当你系朋友，我会用一个好大力嘅方式去表达祝福、关怀、支持同拥抱。”她又说自己完了节目也不会忘记一班学员，这才是她最大的收获。

当被问Nathan收到邀请后有否犹豫，陈蕾就说：“佢其实系一个好顾及别人感受嘅人，第一时间就话怕影响到我，我当时就觉得，如果咁样会影响到我嘅，唔紧要，都系𠮶句，我在意真实喺我身边嘅人嘅感受，我问佢你想唔想，你有冇呢个勇气，如果你Ready就唔使担心影响到我，蕾老师比你想像中更强大。”

第二场是尾场Kim生日、尾场又是亨仔生日，讲到生日都要开工帮陈蕾伴奏，会否送份大礼畀对方做补偿，陈蕾就大爆亨仔小朋友一面，她说：“寻日个傻仔直情喺条走廊捉住同我哋讲，等等先，等等先，仲有1分钟咋！我哋几个话快少少啦，好攰呀，佢话好快好快、嚟啦嚟啦，Happy birthday to me。所以亨仔真系好得意，但系都好多谢，前日就Kim生日，希望佢哋过咗个难忘嘅生日。”

陈蕾讲鸣谢讲足37分钟，被取笑可能是史上第一个因讲Credit而超时的歌手，她说自己都冇谂过，彩排亦冇这部分，但很想多谢大家落心落力帮手，又谓：“呢啲唔系必然，佢哋可以得过且过好多嘢，但系我见到呢个制作百分之二百嘅用心，好想藉住呢个位多谢同仔细介绍每一位。我谂住我成场都冇讲过嘢啦，畀我讲吓嘢啦！”

她在台上提到头场已经因为讲太多嘢超时，今晚可能罚得更多，或者要扣人工，她表示不敢多想，希望红馆罚钱可以畀个折头。记者建议下次不如开Talk show，站在一旁的华纳高层点头话可以，陈蕾即说：“可以，我一定要有洪嘉豪喺度。”由于陈蕾在早前的场次上说过原本找洪嘉豪吹唢呐，但遭拒绝，于是才找另一位“啲打Boy”，如开Talk Show打算禁止洪嘉豪讲嘢，叫他只准吹“啲打”，更可叫埋超识讲嘢的“啲打Boy”上台。

下月轮到洪嘉豪开红馆演唱会，陈蕾将向他分享自己最大心得，就是不能为筹备演唱会而失去人生，要继续保持身心健康愉快，否则演出表现都会受影响。她透露：“我都唔会练歌练成日，会觉得好闷，我都会打吓机、织咗啲嘢，但系唔敢讲，而家顺利完成咗四场，我先够胆讲呢段时间除咗苦练结他，都有好好地娱乐。”她觉得自己结他真的进步不少，而且亦学识少少琴技，整体而言她会给自己80分。