庞卓欣系港姐之中最唱得？　高难度歌剧轻松驾驭

一年容易又港姐，当大家开始认得上年港姐冯盈盈、刘颖璇佢哋嘅时候，新一届嘅港姐不知不觉原来又开始。相信大家都仲好记得昨日首轮面试嘅一班准港姐系几有冲击力。不过选港姐始终都唔系斋睇样，才艺其实都好重要，就好似麦明诗以高学历姿态当选2015年港姐冠军咁，其实过往好多港姐都收埋好多才艺，尤其喺唱歌方面更加可以话系估佢哋唔到，今日就同大家分享下边位港姐最唱得！

2015年嘅港姐亚军庞卓欣，虽然仅仅落败比麦明诗，不过唔好睇少呢位港姐亚军，事关佢除咗有样有身材之外，原来都好有内涵。上个月为公益金筹款，佢就喺节目上大骚歌剧功架，实在系令人惊喜万分。原来Ada系由曼哈顿音乐学院修读声乐毕业，一向热爱唱歌嘅佢，原来最擅长就系唱Opera。之前公开表演曾经同李壁琦合唱《You Raise Me Up》已经备受赞叹，上个月公开演唱Opera歌曲《O Mio Babbino Caro》更加系技惊四座。

除咗唱歌之外，其实Ada平时都好钟意影靓相同大家分享。

Ada接受《香港01》访问时，表示自己在中学时期已开始对声乐有兴趣，因为读书时参加合唱团，而且妈妈也是一位音乐教师的关系，故此于大学时修读“Classical Voice Performance”。现时经常教授小朋友唱歌的Ada，原来在读书时期并没有想过以此为职业，但慢慢发现自己这方面特别有才能，于是便开始了职业的生涯。提起当年参选港姐，她忆述：“当年的才艺表演环节中，我是唱流行曲的，但其实我并不擅长演唱流行曲，但TVB认为流行曲似乎会比较受欢迎，所以我也接受这个决定。”问到Ada会否考虑成为歌手，她表示：“始终主流市场都系钟意流行曲，而我亦唔擅长唱流行曲，所以我暂时都无谂过会做歌手。反而好享受而家教小朋友唱歌，因为可以Part Time做，其余时间可以发展其他兴趣。”

对于新一届的准港姐们，Ada作为师姐也有一些建议：“一开始可能好难适应，因为好多传媒同网民会有唔同嘅说话，但最紧要唔好太上心，专注返喺比赛当中，最紧要做返自己。”