【一首歌】尹光《少理阿爸》父亲节要反思　“冇银用又要𨅬街！”

6月18日就是父亲节，想好咗带老豆去边到玩未？虽然有人话母亲节﹑父亲节都是对没有爸妈的孩子一种残酷对待。不过今日唔讨论呢个问题喇，每年去到呢啲时候，多数人晨早就会带老豆去饮茶，茶楼一定逼爆。虽然这些节目都会给予餐厅有理由加价推出套餐给金，不过要表示自己系孝顺仔，都难免要破费一番！母亲节可以送首《真的爱你》﹑《世上只有妈妈好》﹑或者《你阿妈大减价》畀妈妈，咁父亲节呢？又好似冇乜选择，不如谂下呢首。

尹光的“口水歌”父母辈一定听过，如果你用呢首歌送畀爸爸，相信佢定必会心微笑。《少理阿爸》是尹光的代表作之一，歌词并没有用上粗口，只是用上谐音字表达意思，极其量只是歌曲中提及到“冰茄曲香”四种毒品，以及使用了“冚家”和“仆街”等较“粗俗”的字眼。

而歌曲最洗脑的地方，必定是“冚家HIGH HIGH HIGH冇银用又要𨅬街/爸爸YO YO YO同你讲嘢气都嘥/冚家HIGH HIGH HIGH做你老豆冇阴功呀/爸爸YO YO YO吖少理阿爸正仆街”。