【我不怕唱歌】超唱得扮嘢王究竟系边个？王菀之：完全唔认得！

王苑之：佢将我只歌唱得好有希望C AllStar：佢唱歌系几有特色有人话佢把声够晒特色，又有人觉得佢扮嘢好叻，到底佢系边个？摄影：梁碧玲 许栢伦 彭嘉彬剪接：许栢伦场地提供：通利琴行

成日话歌手唱歌要有特色，但讽刺地一个歌手扮嘢越叻，似乎越容易出位兼打响名堂。今集《我不怕唱歌》嘅歌手虽然嚟自澳门，但偏偏就喺网上扮人唱歌扮到出晒位。扮JM Tone唱《矛盾一生》又试过，扮魔音唱《Chicken Attack》又试过。不过听返佢真正把声你又知唔知佢系边个？

一向在镜头面前彷似不顾形象，尽力把自己演绎得夸张，令节目《Sunday扮嘢王》也不禁多次邀请他上去扮嘢兼唱歌。不过他自言：“其实我个人系内向底，不过唱歌嘅关系，会令自己开心咗。呢段时间大家喺唔同平台见到我，会觉得我好似同大家好沟通到，好开心。但其实另一方面我又会不停同自己讲‘你都系讲少句啦’。”呢位内心咁矛盾嘅歌手，就系嚟自澳门嘅彭永琛。

参加东亚唱片举办的选秀比赛而入行，琛仔表示自己从没想过会做歌手：“我读新闻传播，本身谂住毕业就喺澳门做DJ或者记者。因为细个比人灌输嘅概念好似做全职歌手都未必太正经。点知赢咗个比赛，顺理成章做咗全职歌手，当下觉得个世界好似好开扬，又唔洗怕返工好似好闷咁。不过做咗全职歌手嘅过程先发现，呢份事业嘅辛苦原来同打其他工又唔同，尤其唔多嘢做嘅时候，你会发现原来成件事可以好虚耗。”

唔少人话以下照片很有张敬轩的影子，你觉得呢？

回望以澳门作扎根地的艺人，好像前路一般也比较难行，即使是曾经人气高企的小肥和Soler，也难以把这份人气维持下去，对此彭永琛亦有另一番见解：“以前我会认为澳门艺人的确需要其他地区的曝光和支持，但慢慢发现其实在任何一个空间，我们也先要准备好自己，尤其在网络这样方便的年代，你在适当的时候做一件适当的事，不论身处什么地区的人也会看到。”

密密网上拍片唱歌，当中除咗改编大热歌曲之外，为求网友睇得开心，彭永琛亦不忘加插搞笑演出。作为一个歌手，大概不多不少也会有一个偶像包袱，但彭永琛也渐渐看化：“而家最紧要开心，其实都无乜位置可言，首先我唔觉得自己系一个偶像。我的包袱可能是来自执著，当大家见到我很疯狂拍片玩耍的背后，其实我有很认真的斟酌，而不是随便企在镜头前便把影片拍完。”