【考音功】英皇新秀今年停办？ 陈伟霆参加新秀红到内地
撰文： 彭嘉彬
出版：更新：
香港歌手唔少都系选秀比赛出身，由梅艳芳到陈奕迅，唔系每一位都咁好彩有星探睇中然后力捧出道，不过有实力就自然可以靠自己，一般选秀出身嘅歌手，实力都有啲保证，起码八、九十年代都出咗唔少天王巨星。去到千禧年代，本身由无线同华星唱片合办嘅《全球华人新秀歌唱大赛》，由2004年开始变左同英皇娱乐合办《英皇新秀歌唱大赛》，2009年开始英皇更加自己独立举行比赛。搞咗十几年，其实都出咗唔少现役歌手，有啲仲红到喺内地多过喺香港见到佢。
今年英皇大搞新计划“音乐大童”，但迟迟也未有提及今年到底会不会举行《英皇新秀歌唱大赛》，到底仲会唔会搞就唔知。不过可以肯定嘅系今年英皇喺选拔新人方面转咗形式，写咗一首《音乐大童》公开畀网民翻唱、改编，就算你唔识唱歌，只要有编曲方面嘅才华一样可以参加。唔通今年将会力捧嘅新人会系一个编曲人？
不过其实历届唔少新秀冠军最后都成为咗英皇旗下嘅歌手，你哋又记唔记得有边几个？
+2
不过自从2013年嘅新秀出咗个陈凯彤之后，近几年《英皇新秀歌唱大赛》当中嘅冠军都好似无再出道成为新人，包括2015、2016年嘅新秀冠军 - 张可永同何嘉颖都不知所纵。似乎英皇喺新人选拔已经换咗一个模式，唔知今年大搞嘅“音乐大童”又会唔会令大家有惊喜呢？