炎明熹为演唱会延期致歉　承诺下次更好：令你哋失望我都好唔开心

炎明熹原定10月7至8日在九展Star Hall举行一连两场的《炎明熹Gi-FORCE演唱会》，今次更是她入行以来首个个人演唱会，尽管第一场顺利完成，但第二场却因撞正台风小犬来袭，无奈要延期。Gigi除了转发公告吁Gi炎粉保留门票等候后续安排，亦亲自录音向粉丝分享心情及致歉。

Gigi的完整录音如下：“Hello大家好，我系Gigi炎明熹，好想同第二场嘅观众衷心讲一声非常之抱歉，因为台风嘅关系，冇机会睇到我嘅演出，同埋我知道其实有好多朋友专登喺世界唔同嘅地方飞过嚟香港睇我表演，令到你哋失望其实我都好唔开心，因为我希望每一位朋友、每一位支持咗我咁耐嘅朋友，都可以睇到我第一次嘅表演。

喺寻晚5 part表演入面，我每一part都非常之印象深刻，首先系大家畀我嘅力量，其次就系好多谢乐队嘅老师们同埋跳舞嘅老师们，畀到我一个咁好嘅谂法，然后亦都要好好多谢寻晚嘅嘉宾，‘大Gigi’梁咏琪，因为我估唔到我前排唱咗Gigi嘅歌，例如《我钟意》、同埋同Felix（林智乐）合作嘅《短发》，之后我就有机会见到真人呀，非常之荣幸亦都好开心！

最后我想讲，虽然今次演唱会有好多地方都做得唔足够，但系我好相信，呢个系上天嘅安排，畀我有更多时间准备好自己、装备好自己，为我下一次开演唱会嘅时候可以做得更加好，准备得更加好。正如第一晚嘅演出，我喺台上讲过，虽然我唔知道我嘅Fans会陪我行几耐、行几远，但系我承诺大家，我会做一个更值得你哋支持嘅歌手，炎明熹。”

陈炜在原Post留言表达支持：“小休一会再冲刺💜💜💜”多位Gi炎粉都留言为她打气，叫Gigi无需自责，表示会继续等她。