【专访】RubberBand野佬走独立为自由：咁多年都冇谂住打入主流

RubberBand（RB）和Yellow！野佬即将于6月初举行《RubberBand x Yellow! 干杯音乐会》，由400人Music zone走到可容纳3600人的Star Hall，他们算得上是主流了吧？记者一问这个问题，野佬的何兆基就话：“其实呢，你觉得我哋主流咋，你去问下啲街坊朋友，佢鬼知你哋咩。”
摄影：黄国立

你问Band仔RB和野佬当然是主流，但在普罗大众眼中，可能还是分不清他们。相对于充斥住Pop song的香港乐坛，Band sound好似是非主流，问到大家都玩音乐，会否觉得努力多年还是打不入主流？野佬的Ming就话：“反而我自己睇系，我哋咁多年都冇谂住打入主流。”

过去的主流媒体是电视，野佬的新歌《唔红有原因》最近也有在Viu TV宣传，他们就笑言其实某程度上，有些人觉得Viu TV已经是另类，再转个角度去看，现在的娱乐生态已经今时唔同往日，网上媒介已经很强大：“依家资讯咁发达，冇边样嘢特别偏门，唔同嘢都会揾到嚟听。”

要决定主流和非主流是一件很主观的事，但它们的界线却变得越来越模糊。野佬的何兆基直言：“睇你觉得主流喺边到，如果你觉得TVB系主流嘅话，咁我哋系两个世界，同埋依家都系冇主流啦，世界太细喇。”RB的泥鯭又补充说到，这个年代很多人已离开沙发，在网上寻找资讯，难道他们喜欢的就不是主流吗？

野佬现在在小公司自由自在地创作着，而RB去年离开寰亚后更一直保持自由身，RB的阿伟直言相对于签约大公司，这个状态弹性会较大：“特别是独立自主的精神，独立公司好多事都可以自己决定，近年多咗演出是因为自己决定做就做，不需要太多顾虑，譬如我们去年到台湾宣传，买张机票、Book个Live house就可以，以前要计数、要想成效，现在可以好率性。”

Band大部分在组队的时候已经埋晒班，有自己的岗位，各自负责不同乐器、作曲填词，相比起一般Solo歌手可以更容易做首歌，自主性强，亦更有本钱“率性”。何兆基坦言乐队与传统乐坛的玩法不同，好多事都是想做就做：“唔系计算咁多钱啊、关系啊，但如果你签公司嘅话，公司好多时会有依啲考虑，所以Band仔都系自己做好啲嘅，当然唔同性格嘅Band都会有唔同需要，好难一概而论。”