古巨基邀云浩影合唱《顺风车》　历时3年才完成大赞对方唱功扎实

古巨基“I Really Love To Sing”音乐企划来到第八炮，这次合作对象是于选秀节目中成功弹出的乐坛女新人云浩影（Cloud），合作歌曲则是收录于1995年基仔《其实我…我…我》大碟内的《顺风车》。

基仔透露这次二人的合作，从联络到录音到拍摄MV，历时三年，绝对是“大project”，“由前年我哋联络通电话，到旧年录音，到今年拍mv，我哋每年只做一件事，历时好耐、制作精良。”Cloud笑说青春有限，“女仔嘅三年系好珍贵，哈哈，所以你都系由细睇住我大𠻹呀。”基仔闻言立即道谢：“多谢，多谢咁珍贵嘅呢三年。”

至于拣选《顺风车》，基仔表示跟舒文听了很多首自己以往的作品后，认为《顺风车》在编曲上可以让Cloud呈现一种新的声线，“因为Cloud俾人嘅印象温柔、斯文，我哋想有啲调番转，颠覆大家对你既有嘅一个感觉。”Cloud闻言亦表示有听过舒文提及，“想试吓用我把声去演绎坏坏地嘅歌系会点样呢？”基仔谓录音期间，对Cloud有更深的认识，例如发现她喜欢看战争片，又大赞她唱功扎实，“我对佢嘅演唱系非常之有信心，每一take都交足功课，唱就真系唔驶讲，好穏定、好好。”对于基仔仍然记得自己喜欢看战争片，Cloud大为惊喜，“你记得？上年啦，好耐之前。”基仔即谓，“我梗系记得啦！好surprise你嘅外形俾我感觉，估唔到你钟意睇一啲硬净、咁男人嘅戏。所以今次录音之后认识多咗Cloud嘅另一面。”

Cloud亦乘机分享未出道便收到古Sir邀请合作的感受：“首先一定系好开心、好兴奋。我𠮶阵时应该喺睡房同古sir通电话，我仲即刻同妈咪讲：‘妈咪！系古！巨！基！呀！’之后我迫古sir同妈咪say hello。”她自爆是电视剧《还珠格格》及《情深深雨蒙蒙》fans，更是自己的“爱情启蒙剧”，“系一个好兴奋嘅事嚟嘅，我仲好记得片头有个跳桥𠮶幕令到我好伤心，啲爱情观念就系睇呢两部剧入晒脑。”透过这次合作，Cloud坦言对基仔加深认识，不再是剧中的“何书桓”，“知道咗佢唱歌嘅少少窍门，获益良多，同埋认识到佢一丝不苟嘅一面。”基仔随即自嘲：“我好奄尖呀嘛？你用个成语几靓㖞。”Cloud解说：“系好认真、好有执着，好有要求嘅一个人，我自己都钟意喺音乐上雕琢、‘磨’好耐嘅，所以好开心有舒老板同古sir一齐同我癫，一齐去做呢个project。”

MV方面，基仔秉承过往作风，是一个特别的演出，“我饰演包租公，我嘅出现就系喺个单位见到唔同嘅租客，一个来一个走、一个来一个走，睇到佢哋嘅故事。所以我戏份唔系好多，因为里面牵涉到爱情戏，我觉得交俾你哋去演绎系最好。”