【专访】孙耀威极爱陈美诗 两夫妻要零秘密：结婚就应该合成一体
一个充满迷团的男人，究竟他的创作灵感来自哪里？为什么他做生意蚀完一次又一次，也未有打消创业念头？他是如何“营运”8年的“爱情长跑”到成家立室？他就是“冻龄男神”──孙耀威。
摄影：梁碧玲
化妆：江中平@江中平化妆室
发型：Sunny Yu@Hair Culture
服装：TUXEE 高级订制工坊
场地：tuxee.co
“人生第一次不再蚀钱喇”
孙耀威在爱情路上修成正果，但在生意上似乎处处碰钉，数年前Eric分别在台湾及上海投资开cafe及酒吧，可惜蚀完一次又一次，但Eric依然抱著“大无畏精神”，在香港开设西装礼服店。对于生意屡败屡试Eric表示：“我觉得做生意系一个可以“发泄”我创意嘅地方，我无论喺洗手间“开大”或者发梦嘅时候，都系谂紧设计服装嘅概念。虽然我以往曾经失败过好多次，但今次嘅服装店生意系我人生第一次唔再蚀钱嘅生意，今次真系要感谢主。”
“佢根本系我肚里面条虫”
问到孙耀威如果要用一首歌来形容太太时，佢表示：“其实过去咁多年，佢一直都同我好近，无论出专辑，拍戏，做生意都一直喺我身边。其实每一首歌都有Macy 嘅脚毛（难怪佢只脚咁白滑啦），就算我想作嘅歌咩topic都好，或者系MV都会比唔同嘅意见。咁当然佢系我肚入面条虫，所以好多意见系好“啱”。过去8年每一首歌都有我同Macy 嘅回忆，每一首我都会谂起当时我同Macy 发生过嘅事。所以我唔可以用一首歌嚟形容，而系要用所有嘅作品先可以形容到。”
“我唔想冒险同佢发展一段Long distance relationship”
孙耀威多方面发展，为工作要经常周围飞，要维系8年爱情到成家立室系不容易嘅事，究竟Eric点样经营呢段感情？Eric：“过去我同Macy都几多时间一齐，特别是后期，我要求佢辛苦少少陪我一齐飞来飞去。因为一段感情如果要成日分开两地系比较难去维系，所以我唔想冒险同佢发展一段Long distance relationship，而且有佢喺我身边真系会有一个无型嘅支持。你可以话我黐身，但我觉得绝对系一种精神上嘅寄托。”
“我地系零秘密”
当问到Eric与太太相处时会唔会互check电话，佢就表示：“其实两个人结婚就应该合成一体，所以基本上我地系零秘密。银行，email，所有password(密码) 大家都共用，其实求都系求咁样嘅关系。好多人话两夫妻要财政独立，要有自己嘅生活，有自己嘅秘密，我就反而唔系好buy，我自己就觉得守秘密好辛苦，个人开始老人痴呆，太多秘密要记，想多一个人帮手记下就反而少啲压力，呢个就系我嘅爱情观。”