陈柏宇THE FIRST TAKE唱《有天》撞咪　外套花心思︰背脊写咗香港

陈柏宇（Jason）去年年底应邀前赴日本拍摄THE FIRST TAKE（TFT）音乐企划，全新编曲的《你瞒我瞒》早前已推出，点选率已冲破350万人次，而在TFT中录制的另一首歌曲《有天》亦于昨晚推出，Jason特别分享了录制第二首歌的背后小故事。

上回Jason灌录了重新编曲的《你瞒我瞒》，不少网民都发现歌曲的Key降低了，有些网民坦言较喜欢旧版，但Jason自己都很喜欢新版本，他解释道：“旧版本编曲已经有啲久远，当年嘅歌声演绎已代表唔到喺我而家呢个年纪，对于呢首歌想表达嘅情感同心理状态，新版本嘅演绎方式，比旧版沉重、沧桑又有经历得多，情感系丰富、复杂好多，降咗Key𠮶种层次又同原Key有唔同，原Key就唔会有而家咁Man喇！”

至于另一首作品《有天》，属于志气高昂的一首作品，Jason的演绎又予人另一种观感，但细心留意，会见到Jason唱至尾声时，竟不慎撞到咪高峰前的网！搞笑的Jason即自爆自己的录音小秘密：“其实我平时录歌，投入到合埋眼唱时都有机会撞到个咪，纯粹自己协调唔到，都经常性发生。”Jason另外亦讲到这次灌录《有天》背后的小心思，就是身上的那件外套，Jason说：“背脊写咗‘Hong Kong’二字，代表到我系嚟自香港，我哋香港嘅Art Director帮我拣呢套衫，系一个好好嘅选择。”

除此之外，即将于2月4 日假AsiaWorld-Arena举行《陈柏宇 feat. 九龙摇摆俱乐部演唱会2023》的Jason，撞正新年期间开Show，他都唯有选择性“避年”，他说：“演唱会已经准备得如火如荼，所以今年冇好主动去拜年，亦尽量避开同小朋友玩嘅聚会，因为同小朋友玩好伤声，讲得特别多嘢，声带亦好难休息，所以妈咪（老婆符晓薇Leanne）都好配合，我亦有同囡囡（Abi）解释，同佢讲：‘爸爸要做完演唱会先可以同你玩，因为呢排爸爸比较忙，要多啲私人空间，做完演唱会再同你玩好冇？’佢话好，好乖！”