林子祥开骚一口气唱37首歌劲过陈奕迅　提起母亲未能撑场感触落泪

现年75岁的林子祥（阿Lam）原定于3月在亚博举行《林子祥开心演唱会香港站》，因疫情而延期至昨晚（26日）开骚，全场爆满。由于今次演唱会只举行一场，所以很多阿Lam的好友纷纷前来棒场与他一起过圣诞，包括：朱玲玲、罗康瑞、周凯璇、莫文蔚一家、阿Lam 囝囝林徳信、胡枫、罗兰、林建明、炎明熹等等均有到场支持，迫爆前后台，星光熠熠非常热闹。而成龙、刘德华、张学友、郭富城、李克勤夫妇、容祖儿、杨千嬅夫妇、张敬轩等均有送花篮到贺。

阿Lam《The Smiling 开心演唱会》，早前于世界各地巡回演出，2020年准备回港作巡回最终站，因疫情取消，相隔3年终于可以跟大家见面。阿Lam首先感谢歌迷山长水远来到亚博睇骚，更搞笑表示最近有新闻报道指阿Lam买了新屋，澄清是假新闻，并著大家不要轻易相信。

接著阿Lam感触表示：“我同莎莉咁多咁多年，咁多演唱会，有三个大粉丝，永远都睇，每一个演唱会佢地都睇，今晚佢哋三个都唔系到。 一个系我妈咪啦，一个系莎莉.....（咽哽讲不下去）仲有两个，系莎莉Daddy同妈咪，今晚演唱会系特别唱俾佢地听…...”音乐响起，阿Lam饮泣中唱了《分分钟需要你》，中间几度唱不下去，需要平伏情绪。到唱最后一首歌《每一个晚上》时，亦感触跟观众道：“我哋呢几年经过左太多太多，我希望你哋每一个都身体健康！”

虽然已经75岁，但阿Lam一点也没因数岁影响演出，一口气唱了 37 首歌，首首经典，让歌迷开心又兴奋，半场已经企晒起身欢呼跳舞。其中一部分，阿Lam选唱不少经典电影主题曲，屏幕上播出他后生时合作过嘅女星的经典电影场面，有钟楚红、缪骞人、张艾嘉、杨紫琼、关之琳等等美女，让歌迷睇到津津乐道。最后Encore部份，莎莉现身，一起合体大唱70年代的士高medley，整个亚博化身大型Disco，令气氛再次高涨到顶点。

演唱会后， 莎莉及阿Lam一同接受访问。问到阿Lam开场台上感触落泪，讲到三个人不在，吓了大家一跳，Lam即补充：“佢Daddy，妈咪唔系到... 所以...不过我妈仲系到呀！只不过冇嚟！嚟唔到呢个骚。”莎莉话：“平时佢乜嘢骚都嚟睇嘅，不过佢今次唔舒服训系屋企休养，冇办法来到。我妈咪daddy 就上咗天堂，但我相信佢地都一定系现场睇。”

谈到昨晚Lam演出100分，莎莉亦开心表示自己未上台前，一直系控制台睇，都觉得阿Lam做得好好，引以为傲，而阿Lam就表示：“咁话系Smile演唱会，见到观众反应咁开心，我都好满足，系呢个巡回嘅happy ending。”问到莎莉是不是阿Lam邀请她任嘉宾，莎莉望住阿Lam笑道：“好似你冇邀请我㖞，系我夹硬塞自己入嚟，本来我剩系做和音，睇住佢呢首新鸡尾歌，跳舞又咁开心，跳得咁好，唔舍得唔跳，就跳埋一份，最紧要开心凭著爱smile演唱会，个个笑住走。”

观众演唱会过后，歌迷不停大叫Encore，纷纷表示唔够喉，希望阿Lam可以尽快再开演唱会，如果可以跟莎莉两个一齐开个合体演唱会更令人兴奋，莎莉笑言，“哈哈，再讲啦，要俾阿Lam休息下先...” 阿Lam则表示：“我地从来冇谂咁长远嘅事，哈哈，顺其自然，睇下点啦....”