叱咤2022｜姜涛对冧庄我最喜爱男歌手平常心：想MIRROR拎到好成绩

原定于本月初举行的《2022年度叱咤乐坛流行榜颁奖典礼》记者会，因受恶劣天气影响延至今日（10/11）于昂坪市集举行，MIRROR的其中9位成员包括姜涛、Anson Lo、Ian、Jer、Jeremy、Lokman、Frankie、Stanley和Alton均有现身。他们以全黑西装型爆出场，全场立即尖叫声四起。

MIRROR接受访问时表示很开心再次见到粉丝们，得知他们通宵等候亦十分担心，Lokman说：“可能有啲细细个嘅，俾爸爸妈妈闹就死火啦。同埋喺度通宵又未系好舒服，今日又咁热，唔知佢哋够唔够水、够唔够衫，够唔够嘢食，所以非常担心。”有份角逐新人奖的Jeremy和Alton谦虚指没有太大信心夺奖，Jeremy说：“我做足200%努力就觉得够，可以畀大家见到MIRROR每位成员都有唔同特色，大家好努力做紧想做嘅嘢，就系我嘅目标。”Alton笑言：“我对Jeremy有信心，我对自己未来有信心啲。因为以客观数字睇，作品嘅数量，Jeremy系客观性地多机会，今次系同AK唱，所以都唔系朝呢个方向，所以对未来有信心啲。”

去年连夺“我最喜爱男歌手”及“我最喜爱歌曲奖”的姜涛，问到有没有信心冧庄，他坦言抱平常心：“对MIRROR嘅嘢有信心，始终对组合……希望大家拎到好成绩。有MIRROR先有我哋，组合永远最紧要。”而今年4首作品均有份参与创作的Ian有信心夺唱作人奖或是男歌手奖项吗？他说：“冇好谂𠮶方面，反而比较开心有空间去出自己唱、自己写嘅歌，呢样比较开心。奖项攞到当然好大鼓舞，但比较开心系大家认同我嘅歌、听我嘅歌。”Jer同样认为奖项并非最重要：“作品讲到嘅message先系最重要……（系咪会出新歌？）嚟紧年尾会有一首。”