香港金曲奖|Supper Moment在内地照攞组合奖：将音乐带到更多地方
撰文： 黄梓恒
出版：更新：
由香港电台与无线电视（TVB）首届联合主办的《香港金曲颁奖典礼 2021／2022》今晚举行，Supper Moment勇夺香港金曲乐队大奖，身在内地的Supper Moment更有心地拍片唱歌，简直就好像身在现场一样，更指：“将音乐带到更多地方”。
Supper Moment正在内地举行巡唱，虽然深圳站因疫情关系而延期，但其他地方暂时未受影响。早前会江门开骚嘅Supper，全场划一票价280人仔，用一餐晚饭嘅价钱嚟睇天团，难怪唔少乐迷都话抵！
早前Supper Moment曾接受《香港01》访问，Sunny透露与内地公司合作：“我哋同新嘅公司合作，系一间内地唱片公司‘太合麦田’，希望将来嘅巡唱可以有一个更加好嘅规划。对我哋嚟讲，做音乐最紧要系做返自己节奏，最希望系可以喺巡唱期间继续创作、出专辑，呢样嘢对我哋4个嚟讲系目标。”问到与内地公司合作，会否担心再次引起网民激烈讨论，Sunny坦言：“网民嘅意见我哋系在意嘅，意思系呢啲会系鞭策，系我哋想做好自己嘅动力。但系同一时间我哋话唔在意嘅原因系，我哋好清楚自己想做嘅嘢系咩，做音乐同表演最紧要系享受成果，相信好嘅音乐同现场演出系会有一种力量畀大家。依家系有疫情，希望疫情快啲稳定落嚟，大家都揾得返自己嘅生活节奏，呢样嘢系我哋最想大家做到。”