声梦传奇2｜森美身兼心理辅导　拒应要求闹学员：佢哋唔系唔努力

无线（TVB）歌唱节目《声梦传奇2》在6月11日首播，今日（15/5）节目除了介绍学员专属吉祥物外，更宣布节目主持将继续由森美担任。他接受《香港01》访问时指自己喜欢主持歌唱比赛节目：“我自己都会有一啲心水，无论佢哋系发挥得好定唔好，喺呢个过程中都好享受，好尽兴，有得再做都好开心。我唔觉得系一个工作，而系一种享受。”

今次森美将身兼两职，除了主持节目，也成为学员的“森美辅导员”，关心学员的心理状况。他坦言是个新挑战，希望能帮助学员在拍摄前后做好心理准备，又透露监制希望看到森美责骂学员的画面，不过他则希望“收火”：“大家知我性格系刚烈，听住电台节目见我闹身边啲同事就知。不过偏偏对住佢哋就闹唔落，因为佢哋只系心理上怕丑、惊等等嘅问题，年纪细，绝对唔系唔努力、唔系能力上做唔到，喺呢方面就闹唔落。当然我咁讲唔系代表同我拍档嘅节目主持人喺能力上有问题，但系你哋觉得嘅话我唔会反对，讲笑啫。”

《声梦2》未开播，森美已经对部份参赛者印象深刻。他特别提到黄洛妍（Janees）和赵紫诺（Sabrina），认为拥有扎实的古典音乐实力在唱歌上有优势：“呢个年代好多后生仔都识玩古典音乐，音乐造诣由基本学起，但系有啲十几岁已经去到演奏级，有一个钢琴（指Sabrina），有一个小提琴（指Janees），甚至有啲已经有个人音乐会。有时听得多音乐，唱出嚟嘅音准都会变好，同埋佢哋要演奏乐器嚟表达感情，如果用自己声音嚟表达可能会更加手到拿来。呢方面已经做得好嘅演奏家，只要喺唱歌嘅时候懂得返呢啲技巧，相信佢哋都会有好表现，我对佢哋都有期望。”