Chill Club颁奖礼表演后放负 许廷铿冇怪责幕后：其实我带点自责

许廷铿（Alfred）今日（27/4）现身西九文化区自由空间大盒，率先与歌迷分享全新黑胶专辑《2021》。他透露今次限定推出1,231张，对应上年从元旦起的每一日，为防出现炒卖情况，Alfred更在社交平台举行预购活动，希望黑胶碟能落在有心人手上，余下两位数的专辑将在生日正日（29/4）限量发售。他坦言今次加印机会微：“我明白加印对我有好处，可以赚多笔，但系我觉得呢个意义在于，啱啱好1,231只就系对应一年内每一个日子，如果加印，我都唔知加咩畀大家。”他计划年底会再出一张大碟，希望歌迷随时留意安排。

今次是Alfred自组公司后首推专辑，他与传媒见面时表现得非常兴奋，不过他坦言内心其实十分紧张：“有好多嘢想表达，好多嘢想讲，自己做老板，一手一脚砌只碟出嚟。我觉得今日有机会overrun，当中实在有太多感受。”他续指出碟除了筹集音乐事业上的经费，更重要是透过作品向乐迷分享自己的想法：“大家都知出实体碟一定唔系最赚钱嘅方法，但系同一时间我坚持到出第12张大碟嘅原因系，有啲嘢系其他工种畀唔到我，例如整牙，原来我嘅音乐陪伴一啲乐迷走过人生阶段。呢一刻我觉得就算𠮶件事系咪赚钱，但系呢份意义系其他工作畀唔到我嘅。”

为表演直播遇事故自责：容许我有啲失落

在上周日的《Chill Club推介榜 年度推介21/22》中，Alfred在演绎《修罗场》时，直播信号却同时流出工作人员对话，令他在当晚出post放负，及后ViuTV也马上推出一个修正版弥补过错。谈及此事，Alfred坦言当下会有点失望，但现时心情已经平复：“我忍唔住呀。我当日唱完，心目中系觉得OK，就算我耳仔听到有杂声都唔紧要，出街都应该ok。但系出街嘅时候原来都有，系有少少……容许我有啲失落。”他坦言遇到难能可贵的现场演出机会，除了将歌曲重新改编，更有机会与国宝级演奏家合作，担心这次事故会白费团队的努力。

虽然当晚贴文放负，但Alfred强调没有怪责ViuTV幕后团队的意思：“我唔知点畀大家知道，我真系冇任何怪责嘅意思，甚至其实我系带点自责，点解我唔check清楚少少呢？当我听到嘅时候系咪可以畀啲signal呢？当事情发生咗，我会谂点将坏事变好事。佢哋好快做咗个修复版，我因为呢件事得到好多朋友鼓励，甚至有啲朋友冇听过首歌，但系因为呢件事而听返。对我嚟讲系赚咗多过唔开心，依家非常OK，原谅我放咗个迷你负，其实系都好大嘅负，但系依家开心返好多。”今天分享会都有演唱环节，Alfred称今次幕后团队合作无间，对他们非常信任。