邓小巧受尽网络欺凌被嘲“猪扒”　发长文：得到爱唔一定要生得靓

歌手邓小巧与加拿大男友“白先生”于本月初宣布在加拿大举行婚礼，身在外地的小巧更邀请到一众好友，包括许廷铿、郑欣宜等人，一同参与网上直播结婚仪式。新婚应该幸福快乐，但小巧昨日（29/3）连续在Instagram上载两个Post，指遭受网络上的言语暴力，被网民攻击“丑样”、“肥”、“猪扒”，决定为自己发声：“得到爱，唔一定要生得靓。”

小巧透露由公布求婚到结婚都收到很多祝福，但同时都收到一些恶毒难听的说话，更指投身乐坛后，一直都听到不少，不过今次就更加离谱，写道：“嚟嚟去去，以前对我嘅攻击都系丑样、肥、猪x，生成咁样学咩人做歌手之类。结婚之后就话‘鬼佬真系重口味’、‘多个人去外国做鸡’、‘呢啲猪扒真系鬼佬先食得落’诸如此类。朋友话：唔洗理呢啲留言啦，咩都有人讲。但好能（难），各式各样嘅语言暴力就系因为大家‘唔理’，所以一直以嚟某一小撮人就横言无忌。网上嘅语言暴力好可怕，因为留言嘅人见到你，但你可能永远见唔到留言嘅人。我哋好经常批评别人嘅外表，肥嘅太肥，瘦嘅太瘦，靓嘅整容，性感嘅就系荡妇。总之就要揾到你睇唔顺眼嘅地方，然后暗中背后指住人哋谩骂，好似呢个世界上仲欠缺好多恶毒嘅人。莫因恶小而为之 莫因善小而不为 我哋就系包庇一啲小恶行，慢慢纵容出大恶行。而同时，我相信可能曾经恶毒嘅你，都曾经受过伤害、被无理指责，或者同样被语言/身体暴力过。但将恨传播，唔会为自己同世界带嚟任何好处。但将恨传播，唔会为自己同世界带嚟任何好处。”

发文后有不少网民及圈中人留言赞好及支持，不过小巧表示看到留言后知道大家想安慰自己，但自己并没有感到大受打击，反而是想指出就是这种态度才会纵容语言暴力。小巧再发文解释整件事并不是在意与否的问题，而是对与错的问题：“有时后唔系在唔在意，而系啱唔啱。我哋第一时间唔系应该同人哋讲‘唔好理啦’，因为语言暴力同肢体暴力一样对人有伤害，一个系睇得到，一个系睇唔到。就例如如果有人俾人打，你唔会话：‘唔好理佢啦’‘呢啲人唔值得俾attention’就系因为语言暴力好无形，针唔吉到你嘅肉，你就同人讲：唔好理佢啦 其实系二次伤害。”

小巧直言自己不是唯一被语言暴力的人，亦不会是最后一个，但希望自己是其中一个可以讲出来的人，当然无论别人说什么，都会好好过生活，但偶尔难过亦属正常。但如果有些人的语言暴力，可能会影响某些人的医生，变得郁郁不欢，严重甚至有情绪困扰：“我哋当然控制唔到人哋讲咩，但我哋绝对有权利指出呢件事唔啱。最后，我亦唔希望大家诅咒会语言暴力嘅人，因为如我上一个post讲，佢哋可能都有被伤害嘅经历。我只系希望大家在网上/日常对世界嘅沟通，多啲善意。”