张敬轩暂别乐坛去读书？　英皇：会去美国进修音乐

张敬轩与王菀之开完4场红馆演唱会后，今日KOL琼姐就出Post指张敬轩宣布短暂暂别乐坛，话要去读一读书，钻研一下古典音乐。此文一出，就令轩仔fans十分惊讶，似乎接受唔到，不禁留言问：“几时讲㗎？？？？”琼姐就即时回复：“演唱会上讲嘅。”其后都有睇过演唱会的fans留言都仲记得轩仔讲过类似说话：“当时轩仔话：‘离开一阵，想好似Ivana咁有古典音乐底子’，但就冇谂过咁大获。”不过，最令人关心的就是张敬轩暂别乐坛，“降两度”演唱会点算呢？琼姐都留言表示：“应该唔会走数嘅 #虽然佢有个朵叫走数轩”

咁大件事，《香港01》就向过张敬轩的唱片公司英皇娱乐求证，亦有所回应。张敬轩在第二场有相关的言论，但意思他会去进修。英皇表示轩仔的确将会到美国进修唱歌及跳舞，而平时张敬轩都会不停去进修，增值自己，至于会否暂别乐坛，据了解轩仔都未有类似想法，就算去进修都不会放低音乐事业。即是说轩仔进修归进修，都可以keep住同步做歌，看来今次只是虚惊一场。