叱咤2021｜林家谦唔敢认系大赢家　盼向其他音乐人邀歌突破唱功

在昨晚（1/1）的《2021年度叱咤乐坛流行榜颁奖典礼》中，林家谦凭《神奇的糊涂魔药》赢得首座歌曲奖，其后不仅赢得唱作人金奖、男歌手银奖，在幕后人奖项更连夺作曲人及编曲人两个奖项，独揽5个大奖。不过他在后台接受传媒访问时却谦称：“数字呢啲嘢好虚嘅啫，唔需要著重。我觉得有奖好，冇奖都要开始畀心机继续做。”他坦言在看过媒体报道奖项预测后才开始留意自己得奖机会：“要开始谂，如果真系发生，我要讲啲咩呢？我唔想好似之前啲颁奖礼咁，乜都冇准备过，唔系讲错嘢就唔识讲。”

同时赢得两个幕后奖项，家谦坦言有点始料不及，尤其编曲是近年开始接触，主要以自己作曲的作品为主，因此感到幸运、珍贵。谈起来年大计，家谦预告未来将与一位台湾音乐人合作，又希望尝试演绎其他音乐人的作品：“过去两三年都系自己写晒，我觉得如果自己把声系要多啲突破，就要开始唱下人哋啲嘢，因为唱自己嘢太舒服，太知道自己啲歌点去。当然系得心应手啲，但系我想试下一啲唔系为我而写，或者唔太啱身嘅歌，睇下我嘅声线会唔会有啲突破，可以驾驭到呢啲歌。对歌手嚟讲，呢啲系最应该要挑战嘅嘢。”问到张敬轩向自己下战书，家谦表示欢迎：“好多乐迷都话佢成日走数，‘又话自己作返，讲咗咁多年都唔系’，呢个系好好嘅承诺。（作歌畀你？）好呀，张生ok吗？我ok，但系唔知佢得唔得闲。（公开邀歌？）唔系，唔好畀压力佢。”