吴若希录新歌首度唱和音被Eric Kwok串：佢话冇录过一个人唔识唱

吴若希（Jinny）日前推出新歌《火和火柴》，邀得Eric Kwok（郭伟亮）作曲兼监制。日前她接受TVB娱乐新闻台节目《StarTalk》专访时，坦言今次在歌曲概念和MV的参与度较高，满足感比过去作品大。她又说今次新歌也记录自己心态上的转变：“以前参与创作歌曲方面比较少意见，会倚赖公司，依家心态唔同咗，唱歌唔系要为点击率，亦都唔系要咩成绩，想有自己谂法，揾到好旋律，要口碑多过成绩同好好享受做音乐嘅感觉。”

对于首次参与歌曲的和音部份，Jinny直言非常紧张：“我本身唔识唱和音，当时仲要开紧剧，完全冇时间练习，Eric叫我放心，佢话冇问题，一定录到，佢仲话佢冇录过一个人唔识唱和音。当我听到佢咁讲，哗！串到咁！我钟意！结果我真系录到，好有成功感！Eric真系好劲！”

谈到要事业家庭两兼顾，Jinny坦言：“录歌、拍剧、宣传、照顾家庭同时发生，真系觉得原来做一个Working Mum系一件好叻嘅事，好彩屋企都有好好嘅帮手。都想投放多啲时间畀屋企同小朋友，负荷太重我真系做唔到，依家我做嘅嘢会影响到另外一个人（小朋友）嘅未来，系好严重㖞！所以要取舍，可能会牺牲自己嘅时间同工作，总之我希望做嘅嘢可以令到另一半同小朋友开心啲。”