AGA明年1月开红馆骚圆梦　直言百感交集：去到试衫𠮶刻先觉得实在

AGA（江海迦）今日（11/11）现身电视城，为台庆项目进行彩排。这次是AGA第一次参与台庆，她指今次有机会自弹自唱自己心爱的歌曲《似水流年》，对今次能参与其中感到兴奋：“见到好多歌手好努力咁彩排，觉得大家每年都会挑战唔同嘅项目，可以参与到呢个派对真系好开心。”

两年多内经历两度延期，AGA终于能举办首个红馆个唱，她坦言此刻心情百感交集：“之前已经取消咗两次，今次系去到试衫𠮶一刻先觉得有种实在嘅感觉。今次班底已经磨合咗接近两年，中间有啲新歌，概念都系咁变，但系大家都未知会喺边一刻发生呢件事，过去两年不停做新歌、改歌单，我都觉得系值得。好期待同歌迷分享难忘嘅一晚。”

说到红馆，AGA也分享一段与红馆有关的往事：“以前仲系做作曲人嘅时候试过三年都卖唔到歌，有一晚我好唔开心咁同朋友行上红馆附近，一路行佢就一路同我讲‘你一定得，终有一日一定嚟到呢度’今次真系上到红馆开骚，我想请返呢位朋友睇，觉得呢件事特别有意义。”

谈起最近恩师舒文亲自找七仙羽（七师傅）为自己的演唱会加持，AGA也不忘感谢两位：“我知道舒文平时唔睇风水，今次系第一次睇风水，觉得佢好搞笑。我爱师傅！”