洪嘉豪藉《主角光环》走出阴霾　重新找回存在价值：感觉好神奇

歌手洪嘉豪周二（9日）出席商场圣诞装饰揭幕，吸引数十“院友”（洪嘉豪粉丝专称）带备纸牌撑场，他更即席演唱新歌《主角光环》，令现场尖叫声连连。谈起早前在“我是现场”演唱会唱这首歌时泣不成声，又透露心声指一度自觉渺小并找不到存在价值：“演唱会𠮶两日揾返（存在价值）喇，原来一直都唔知有咁多人支持自己，突然之间有200个人话好爱你，𠮶种感觉好神奇。”
这天再唱他直言想起当日回忆，就立刻按捺着情绪：“同自己讲唔好再谂，如果唔系就唔得，今日冇眼湿湿，开心地多谢粉丝都得。（多谢院友陪伴走过低潮期？）始终唔容易，除咗自己需要硬净，自己嘅粉丝都需要硬净，所以特别多谢佢哋。”

点击图辑睇今日活动靓相sss！

谈起最难挨的日子，嘉豪表示是疫情严峻的时候：“始终歌手主要系演唱，有段时间少工作、少咗活动、少咗见面，就会难挨啲，不过今年都陆续都多番。”嘉豪坦承收入亦因此减少：“唯有坚持硬着头皮做好下只歌。”他又不忘大赞公司处理周到、在演唱机会减少时帮他们安排不同方向的工作：“所以都OK。”嘉豪又暖心续指：“其实都唔想继续戴口罩，因为新钟意我嘅粉丝我都未见过佢哋嘅样，希望个世界可以快啲好番。”

洪嘉豪近来打破新力军金奖的魔咒，人气增长迅速，除了Instagram粉丝突破4万大关，Telegram粉丝群组人数亦已逾4千，谈起2022年大计，他就透露正努力做歌，并已计划好明年1月出碟：“会有5首歌，都系自己做晒曲词编监所有步骤，其实前后都制作咗差唔多一年，希望可以快啲完成畀大家听到。”对于乐坛颁奖礼，嘉豪亦抱持佛系心态：“有就当然好，冇都唔会非常唔开心，歌手最紧要尽力达到自己嘅目标，今年觉得自己做到，下年又可以订高啲目标。”

洪嘉豪MC演唱会绝密片段曝光　秒变Annoying Orange网民笑到反艇