龚柯允新歌《Sing A Live》做Rock妹圆儿时梦：细个系好想夹Band
撰文： 陈栢宇
出版：更新：
龚柯允（Karen）最近推出新歌《Sing A Live》，更以“Rock妹”造型在天台拍MV，大晒型格魅力。提到Karen甚少演唱摇滚风的歌曲，她接受《香港01》访问时坦言是新尝试：“一个Indie Rock嘅感觉，唱出我对唱Live嘅态度，因为之前都好多人话我歌唱得技巧冇感情，所以𠮶阵时都有唔开心，亦都系匿埋唔知点样去面对、做好佢，但后来谂通咗，好想做到唱歌嘅极致，除咗基本功之外，每一首歌都会摆足感情落去，而自己个人都想‘Alive啲’。”
睇睇Karen有几Rock：
+12
Karen又指今次与新乐队班底合作非常过瘾：“佢哋背景好得意，都有啲过去，而家就从良，哈哈！我哋拣咗天台拍MV，系因为觉得做音乐系好纯粹，唔需要好华丽嘅舞台、布景，有一种好返去初心嘅感觉。（连个打扮都好Rock！）系呀，之所以用一个Rock嘅形式去呈现呢件事，系因为我细个系好想夹Band，但系我系冇夹过Band嘅，成日见到人哋咁做，就觉得好羡慕，除咗画咗个比较Smoky嘅眼线，衣着都又皮又金属，未至于Rock到极端，成个造型都留番啲女仔Feel、我嘅成份喺里面。”