吴林峰演唱会｜唔谂下次开个唱选址：计划咗之后就会变得难做
《吴林峰明天一切如常演唱会2021》昨晚（16/10）在旺角麦花臣场馆圆满结束，完场一刻，观众依然高呼“Encore”不愿离开，最后吴林峰要亲自回到台上，唱了一句“走先啦，系咁先啦，下次再玩吖”后，观众才慢慢离开会场。他在骚后接受《香港01》访问时直言，没有想过观众反应会如此热烈：“呢个真系一个惊喜，对我嚟讲有人叫我Encore已经系好神奇嘅事，仲要Encore完冇人肯走。（返到屋企会忍唔住喊？）我估都会嘅。”
顺利举行处子个唱，吴林峰直言感觉非常不舍：“其实我到呢个时候都未肯相信自己真系开到一场演唱会，系会有一种如梦初醒嘅感觉，呢一刻嘅感觉系好空虚，哈哈，已经谂唔到更加适合嘅形容词。”而以10分为满分，他认为自己的表现值8分，认为自己在唱歌技巧上有进步空间：“我点都唔会畀自己满分，一定要畀好大空间自己进步，如果下次冇进步就惨啦。”
吴林峰坦言在演唱会期间，自己也有不少感触，不过为顾及演出效果，他决定强忍泪水。尤其在致谢环节中，他特别感谢妈妈7年前愿意放手让自己走到街头演唱，而这晚的演唱会也算对家人有一个交代：“我相信妈妈一直都支持我做呢样嘢，只不过口讲嘅时候会话担心我，叫我不如揾份正职，好过冇钱使又呻辛苦，但系佢转个头就会畀$200我用同煲碗汤。我觉得今晚至少可以话畀妈妈知，我对于呢样嘢并唔系玩玩下，我系认真嘅。”
今晚邀请到许廷铿（Alfred）和柳应廷（Jer）两位重量级嘉宾，吴林峰直言难度比想像中低，主要与提前展开沟通和邀约有关：“唔可以话难，但系我哋本身知道咗个演唱会嘅时间之后，我第一时间就同Alfred讲，佢就好快应承咗我。Jer本身嘅工作都真系比较忙，但系我都系提早咗好多同佢哋讲，最后好彩地，佢哋睇完日程表后，发觉今晚真系冇嘢做，于是就嚟到呢度，真系要多谢花姐。其实我真系唔当佢哋系嘉宾，而系今次演唱会嘅其中一部份。”
说到在台上公开向Jer下战书，再度对打足球游戏，他即笑说：“自从畀人半场炒8:0呢个耻辱发生咗之后，我真系练咗好多晚。其实𠮶次系手掣问题，个手掣坏坏哋，如果换返个好啲嘅手掣，大家公平啲，可能都会输嘅，但系唔会输咁多啰，不过打机最紧要系开心。”事前吴林峰也有向Alfred、Jer及其他好友请教，歌唱部份先交给老师帮忙，而自己大部份时间都会问其他人如何应付心理质素：“技术层面嚟讲，佢哋都会话‘问咩吖！得㗎啦你！’但系我知自己事，所以都要去上堂。”
问到下次会否以更大舞台为目标，吴林峰直言现阶段没有任何目标：“我直头系唔想有呢方面嘅计划，硬系觉得有咗计划之后，𠮶样嘢就会变得难做，所以都系顺其自然。反而我会谂嚟紧仲可以做咩突破，呢个阶段完咗，我可以点发掘更多方面嘅自己？到时候可以去到边个场馆，就再尽情咁同大家讲啦。”