吴林峰亲解吕爵安Edan《小谐星》创作历程：畀佢讲最真实嘅自己

本地男团MIRROR成员Edan（吕爵安）近日推出第二首个人单曲《小谐星》，《大叔的爱》热潮丝毫不减，加上邀得女神周秀娜任女主角，MV上架4天已获124万观看次数，稳坐YouTube发烧影片冠军之位，而Jer（柳应廷）早一周推出的《砂之器》亦紧随其后。
周二（27日）为《小谐星》作曲的歌手吴林峰在个人IG撰写千字文，纪录了写这首歌时的心路历程，他直言开初是“想帮呢个好朋友”，于是写了两首，而《小谐星》正是第二首：“一开始我主要想用首歌去表达我所认识嘅 Edan，又或者话，我想用首歌去做一个空间，然后畀佢自己去讲最真实嘅自己。”

吴林峰直言开初相当头痛：“我真系好少可写this type惨情歌，所以唔知点样开始，直到收到Edan send畀我嘅reference，我突然醒起N年前有一排自己好迷恋台剧／日剧（我系真系会睇到喊𠮶啲），好记得𠮶阵写过一句仔～于是我就用左几个钟时间，终于比我揾返出来；我个脑系真系有“叮”一声，直觉‘系啦！系佢啦！’”吴林峰坦言在写歌途中遇上“脑便秘”，幸好遇上“大恩人”傅佩嘉打救：“我Happy Share叫佢畀啲意见，点知佢嘅意见系：‘不如我帮你写啲词落去啊！’然后因为佢份用左15分钟写嘅Demo词…… 我突然揾到个出口同感觉去完成首歌！我真系要好多谢你！”

点击图辑睇《小谐星》MV有几靓：

吴林峰续指安排了一些情境在旋律上：“我主要系想住Edan讲嘢嘅方法去写；首先Ver1/2其实系一个内心自我对话嘅Moment、第一人称，所以Melody上并唔会好密，畀多啲空间佢讲；然后慢慢去到C1你可以理解为把想讲出口嘅嘢再吞返入心入面、继续挨，但最后自己一个嘅时候好好咁抒发！然后Ver3去到C2其实将角度变为喺无奈下慢慢学会接受或者话习以为常，所以个起伏同情绪我写得唔咁悲伤，反而正气少少；之后到Bridge，其实我想写嘅系错一次但收到全部人指责，你一言我一句嘅感觉，然后最后大叫一声！最后Chrous就毫不留情讲晒自己心中最想表达嘅事情！好好去讲返自己一直以来嘅压抑咁。”吴林峰详尽的纪录令听众更了解这首歌，而他亦自言：“始终，歌对我而言，过程比咩都紧要！”

点击图辑睇《小谐星》精美剧照！