【声梦传奇】炎明熹与张敬轩拖手仔认怕羞：最后一句畀𠮶下打乱晒

无线（TVB）歌唱比赛《声梦传奇》在明晚（19/7）进行决赛，炎明熹（Gigi）今日现身电视城出席彩排。Gigi接受《香港01》访问时，谈起昨晚与Chantel的合唱对决，她称不会视Chantel为劲敌：“我唔会觉得Chantel系劲敌，因为大家都系好朋友，㖊晚嘅演出系好好嘅经验同埋学习机会，因为Chantel把声真系好好听，好清澈，讲少少嘢就好似讲紧一个故事咁，我要向佢学习。”Gigi指自己刚刚才得知Chantel抱恙，在彩排完结后会传短讯慰问对方。

昨晚另一焦点在于第二回合的对决，Gigi以25:0完胜文凯婷（Aeren）晋级。二人过去是蓝队队友，因此Gigi直言心情复杂：“结果出到嚟系好意外，因为佢唱《至少还有你》系好好听，其实我唔觉得佢系零㗎，所以心情好复杂，就算我攞晒25分，我都冇特别开心。”不过谈到有机会与张敬轩合唱，Gigi表示既兴奋又害羞：“我哋彩排嘅时候系冇拖手，但系佢𠮶晚伸咗只手出嚟，仲对住我微笑，咁我就拖手。其实到最后有一句ad-lib（即兴演唱），但系我畀拖手𠮶下打乱晒，𠮶下有啲怕羞。”

谈到决赛前准备，Gigi希望今晚可以休息充足，以最佳状态迎接明日比赛：“我觉得精神系最紧要，Gin Lee（李幸倪）老师都有同我讲，话一定要休息得够，去到𠮶日就集中精神做好佢。（信心？）信心系有，但系唔系百分百。”

点击图辑，重温Gigi同轩仔拖手合唱：