Serrini演唱会｜唔强求MIRROR成员做嘉宾：好似林生咁唔肯就唔请

“陀地歌姬”Serrini（梁嘉茵）一连三晚在九展举行的《I'M (NOT) FINE, THX LIVE 2021》在昨晚（20/6）完满落幕，她随后接受《香港01》访问时指十分享受舞台：“同乐手夹咗好耐，大家都好熟，我哋一齐当系一个派对咁玩，同现场观众都玩得好开心。”

谈到三晚来的嘉宾阵容，她特别提到自己非常享受在头场与独立音乐人Luna Is Bep合唱，认为这次合作背后意义重大：“我记得at17几年前都系请咗几个好年轻嘅女仔做演唱会和音，佢哋同时都会做埋嘉宾，我觉得好惊讶，原来我可以透过呢个舞台推介一啲新嘅音乐单位畀人识。其实我有谂过呢几场都系揾一啲独立音乐人做嘉宾，于是请咗Luna Is Bep，之后认识到Janice（卫兰），觉得佢好可爱，好想揾佢做嘉宾，而我呢个花痴又想请Anson Lo（卢瀚霆），点知又真系畀我请到。”谈起今晚的“神秘嘉宾”林家谦，Serrini笑指：“林家谦呢个路人呀，好感恩佢可以上台陪我哋唱歌啰，不过佢因为冇化妆，所以我冇当佢系𠮶个level。”

今晚Serrini能与Anson Lo一起同台，期间更贴身一起跳舞，然而她在过程中点到即止，未敢有揽身等更亲密的身体接触，她称：“因为我唔系好识跳舞，但系佢系舞王嚟嘛。其实我已经将双手摊到好阔，但系喺观众眼中都系唔识跳舞嘅人。我内心其实系好澎湃，虽然肢体语言好似系害羞。”早前Serrini已经与姜涛和陈卓贤合作过，被问到最想与哪一位MIRROR成员合作，Serrini坦言：“原来可以拣㗎？咁咪好似填表格咁，十二个都剔晒，不过最紧要系问咗花姐，睇下佢哋嘅行程先。同埋我好尊重佢哋嘅意愿，如果佢哋愿意嘅当然可以嚟啦，如果唔愿意嘅，好似林生咁，我就唔邀请，但系本身口讲话唔愿意，但系佢自己又想上嚟嘅，咁都可以呀。”

被问到下次举行演唱会会否有新搞作，Serrini笑说：“我有啲期待，但系我一路做演唱会就会谂，究竟有啲咩平时好想做，但系又做唔到嘅嘢，可能系真人实况嘅丧尸打斗，如果疫情好返啲嘅话应该可以试下，或者喺泳池搞？或者系喺泥浆摔角？呢啲我都好想试，但系好似太多gel甲，所以比较难啲。”