MIRROR演唱会｜12子五劳七伤顶硬上 花姐：我都担心佢哋挨唔到
撰文： 叶诗
出版：更新：
人气男团MIRROR周四（6日）起一连6日假九展Star Hall举行一连6场演唱会，首场结束后观众纷纷向坐在控制台的经理人花姐（黄慧君）致谢，并大声呼唤：“我爱花姐！做多啲好节目！”花姐接受访问时指见证12子一路成长甚是感动：“呢个演唱会经历太多，由上年五月到而家先开得成，其实MIRROR已经等咗呢个机会好耐！呢几日彩排我都好肉麻咁同佢哋讲好爱佢哋，佢哋嘅努力激发到我唔可以放弃，其实呢班年青人真系好好，希望大家继续钟意佢哋，佢哋都可以影响到其他香港人一齐努力！”
先睇睇MIRROR演唱会结首场的精彩演出：
+25
至于一连开六场，问12子的体力是否能支撑？花姐忧心道：“始终好多跳唱环节真系好攰，之前喺其他活动连续跳四只个面都青，所以一开始话开3场已经好惊，后来因为反应好好开六场，MIRROR叫我信佢哋：‘年青人嚟㗎嘛！’”花姐坦言MIRROR正式只是停了一个多星期的工作，所以筹备时间甚仓促：“Anson Lo（卢瀚霆）、Edan（吕爵安）把声攰到要睇医生，医生话声带最少要抖三个礼拜，所以佢哋系顶硬上；Ian（陈卓贤）又旧患发作膝头发炎，好多个都五劳七伤，我都担心佢哋挨唔到！”
至于近日有指红馆圣诞及新年档期被让出，镜粉纷纷期望花姐能入纸竞争带MIRROR踏上红馆舞台，她就回应指：“我想㗎！我每一日都收到唔同讯息，好多镜粉都话今次好想睇但买唔到飞，所以想去一个地方可以同所有镜粉一齐渡过几晚；但暂时未开始做呢个动作，而家仲做紧呢个演唱会，忙碌紧唔会谂住。”