小肥与Serrini翻唱《青春颂》大赞对方唱功：我学紧嘅嘢佢掌握晒

小肥（徐志勇）上年9月接受《香港01》访问时透露，自己正与音乐人陈辉阳合作筹备翻唱专辑，后者将在其他歌手和音乐人的作品中，选择10首2010-2020年间推出，能引起香港人共鸣的歌曲，并且将它们重新编曲。当中在2013年许廷铿所唱的《青春颂》，就被陈辉阳挑选为10首作品之一，今日（3/5）凌晨小肥无预警将新歌放上音乐串流平台，新作更与Serrini合唱，令不少歌迷感到惊喜。

小肥接受《香港01》访问时透露，这次合作都是由陈辉阳一手撮合，早在上年7月邀请时，Serrini一口答应。他又说，自己当初没有想过能与对方合唱：“佢都有问我讲，但系一开始真系冇谂过佢会揾Serrini。当然我好早已经好欣赏佢，但系佢初初同我讲《青春颂》想揾女歌手合唱，呢个情况会即刻谂起自己嘅朋友先，第一时间唔会谂住有新冲击。之后佢突然间建议要揾Serrini，我当然系话好啦！”

小肥上年在担任港台《十大中文金曲》评审时，已经向乐迷推荐Serrini的作品。在录音室听过对方唱歌后，他亦大赞对方唱功了得：“其实录紧呢张碟嘅时候，我学紧把声点样唱得通透啲，咬字冇咁塞住喉咙嘅方法，而Serrini系完全掌握晒呢啲嘢。佢有话我唱得好劲，我就话‘唔系啦，你劲啲！’”不过，小肥在录音期间发现，要与Serrini合唱并不容易：“佢嘅声底同声量，会好容易将对方把声完全盖过，真系要好小心应付。之前听咗几次，觉得出到嚟Serrini把声太细，既然揾得佢嚟，大家把声应该要平起平坐。我建议过要较大返佢把声，但系当较大咗嘅时候，原来系会盖过咗自己把声，我先知道同Serrini合唱原来有呢个隐忧。”

专辑内翻唱作品全部都经过陈辉阳重新编曲，小肥坦言其中一个困难是理解新编曲的方向，又以《青春颂》作为例子：“一开头陈辉阳系唔会话畀你听点解佢要咁编曲，当中又有乜嘢意思，我自己都会领略错误，佢就会纠正返我。例如呢首歌中间有一啲变奏，原来佢系专登整到有一种年轻人啱啱学夹band嘅状态，我听到之后都觉得好有趣。”

作品一出，《青春颂》的原唱许廷铿（Alfred）就留言说：“下次加埋我一齐唱！”小肥透露，当初拍摄MV时已经有意与对方合作：“我想佢喺MV某啲位置出嚟，畀一啲惊喜大家，不过佢𠮶阵好似遇著一啲合约问题，佢觉得有啲困扰。不过我都见到佢IG嘅留言，当然系有机会（合唱）啦，呢单嘢佢肯就得啦。”他又透露自己将在10月底于旺角麦花臣场馆举行演唱会，届时或会邀请对方合唱。