声梦传奇︱周柏豪赞姚焯菲进步神速：讲低一两句已经变咗另一个人

撰文： 刘传谦
出版：更新：

周柏豪今日（16/4）现身将军澳电视城，出席无线（TVB）歌唱比赛《声梦传奇》排练。作为导师之一，柏豪指将会向学员分享舞台经验：“佢哋有好多嘢已经好强，例如唱歌技巧同舞步，佢哋人仔细细已经好叻啦。我觉得自己可以分享下咬字，虽然我有时唔小心会有懒音，但系我都算系咬字清晰嘅过来人，我会教佢哋点样可以令自己讲嘢清楚啲，录音咬字清晰啲嘅心得。”

李克勤、周柏豪、卫兰、JW王灏儿现身节目排练现场。（叶志明摄）
柏豪在《声梦传奇》担任导师，他表示会着重参赛者的咬字技巧。（叶志明摄）

柏豪认为参赛者表现比同期的自己更强，羡慕他们有大量发挥空间，他特别提到年仅14岁的姚焯菲（Chantel）及钟柔美（Yumi），指导师一致认为二人年纪轻轻，期待日后将潜能转换成实力，比赛后亦会关注二人发展。被问到前者在第一集表现会否令自己大跌眼镜，柏豪坦言当日对结果毫不意外：“我哋都听得出佢有问题，但系喺度卖个关子，我哋对佢寄予厚望系因为佢有惊人嘅进步，值得观众追看。啲小朋友真系好厉害，净系讲低咗一、两句就已经知道要点做，第二、三集已经变咗另一个人，佢哋嘅潜质真系好可怕。”

Yumi（左）和Chantel获柏豪大赞进步神速。（叶志明摄）
柏豪指Chantel第一集表现的确不理想，又指参赛者在往后集数将有显著进步。（叶志明摄）

近日TVB和ViuTV正面交锋之际，曾志伟和ERROR成员193（郭嘉骏）隔空展开激烈辩论，被问到对两者言论的看法，柏豪未有正面回应，只称每个人在言论自由下都可以抒发己见，又指两台竞争对观众最有利：“好似呢个圈突然间有啲新鲜嘢，对观众、业界唔会有坏影响，大家有啲嘢都系所谓讲下笑，最紧要大家有幽默感，身为观众睇呢件事都会觉得有趣。大家做好本分，自然就会有知音人。”