Serrini演唱会︱周国贤做嘉宾宣布回归乐坛：个天叫我出返嚟！

Serrini（梁嘉茵）周日晚（11/4）举行《I’M FINE, THX.》演唱会尾场，为顾及众多未能购票的“树打手”，大会决定提供网上直播，并以中文译名“我很好，谢谢。”命名。在《要做更坏的事》前，Serrini要求全场大声呼吸，务求达到节目效果，及后继续深情演绎《天雷》、《日月无光》。Serrini再换上另一套黑色战衣，唱出《亡国妖姬》前向观众席大叫：“我啲女呢？”之后再唱《艳后》、《灰黛》、《小红》三首快歌。

及后周国贤现身舞台担任嘉宾，即惹来全场尖叫。他首先唱出《Children Song》，其后Serrini换上海蓝色长裙，再与他合唱《是你呀》。谈到今晚嘉宾，Serrini直言：“我觉得冇人估到系你啰！其实我哋真系冇衬过，但系大家今日都系著蓝色。不过我想问点解会唱呢首（指《是你呀》）嘅？系咪因为呢首歌好正经？点解唔唱《苏菲亚的波霸珍珠奶茶》？”全场即捧腹大笑，周国贤就笑说：“话说早几日我真系饮咗杯珍珠奶茶，就系因为呢首歌，我谂咗好多画面！”

谈起相识经历，原来二人在彩排前从未见过对方真人，周国贤透露，这次能担任演唱会嘉宾只是一个巧合：“有一日同朋友食紧饭，之后高佬（黄晓晖）就打电话同我讲，话你有个show，我听过你啲嘢觉得好正，之后我胆粗粗问佢哋揾唔揾嘉宾。过几日高佬真系打畀我，问呢件事系咪真，我就问佢系做咩嘉宾，之后佢即刻问我‘你𠮶晚饮咗几多？’”Serrini即笑指：“以为系做RubberBand嘉宾系咪？之后系咪觉得‘做乜嘢呀条女？’”令周国贤笑得来不及反应。

及后周国贤解释担任嘉宾原因，希望藉这个舞台宣告复出，卷土重来：“我都休息一段日子，呢段时间都有好多朋友揾我，但系好多合作最后都倾唔成，今次高佬再打畀我，我觉得好似个天都想我出嚟唱返歌。”周国贤又讲笑话，指台下睇Show的蓝奕邦是“女朋友”，然后问Serrini蓝奕邦的外貌怎样时，她说：“靓，坐得喺台下嘅全部都系靓仔靓女，我咁讲系咪好行？”其后又唱起《趣致的响铃》、《~旋转 with me*》、《I’m Fine, Thx.》、《我在流浮山滴眼水.jpg》、《Diamond Mine》、《Let Us Go Then You And I》及《油尖旺金毛玲》等作品。