BIG FOUR八月合体开骚　林海峰为演唱会改名︰原本叫BODY CHECK

由张卫健（Dicky）、许志安、苏永康和梁汉文（Edmond）组成的BIG FOUR，将于今年8月9至11日在红馆举行《BIG FOUR HAPPY TO SEE YOU ALL演唱会2025》。相隔12年BIG FOUR合体再踏红馆舞台，台前幕后阵容强劲，演唱会海报重金礼聘林海峰（Jan）担任创意大脑，星级摄影师夏永康亲自操刀，捕捉四子最Man、最有型、最突显他们超过30年的真挚友情，化作正能量散播出去。

Dicky爆料“BIG FOUR”由Jan命名。他说：“我哋第一张演唱会海报，4个人咬住一支玫瑰花𠮶张，就系由Jan帮我哋做。好开心今次我哋三顾草庐，邀请到佢出山。”Jan幽默回应：“𠮶次演唱会喺2010年，即系隔咗15年先至有第二个job，都算系咁，我都终于发市！”2013年他们举行第二次红馆演唱会，至今相隔12年。

今次演唱会“HAPPY TO SEE YOU ALL ”再由Jan命名，他笑言：“原本谂住佢哋咁耐无见大家，想用‘BIG FOUR无穿无烂演唱会’，但中文名呢个唔系几好，不如谂个英文名，就叫‘BIG FOUR BODY CHECK演唱会’，每次上台都系你哋同观众嘅一次体检。”Dicky补充：“唔（做）骚唔知身体好！”Edmond说：“BIG FOUR系我哋嘅‘根’，咁耐无见，梗系要一齐搞啲正嘢畀大家啦！”令人非常期待。

喜爱时装，经常为BIG FOUR扮靓的苏永康，被Jan问他今次四子造型？他说：“都要问过你（Jan）先！好开心又再同大家衬衫衬饰物。（困难吗？）困难喺我度，我依家嘅size畀唔到佢哋用，除咗啲披肩围巾之外。（要加拐杖吗？护㬹、护膝？）好彩，仲未需要！”Jan笑指安仔低胸上阵，安仔即掩住心口，拉开话题：“虽然我哋也成日见面，但一齐喺舞台上出现，真系好耐无感受到，直到今日一齐影海报，感觉到个力量返嚟啦！”

海报拍摄期间，现场播放多首有关友情的歌曲，Jan笑说：“最初拣咗《监狱风云》首歌《友谊之光》，谂住播呢啲歌帮佢哋带入情绪，后嚟发觉都唔需要，佢哋四个好快就好自然咁入咗𠮶个氛围，呢个就系大家都好想喺台上见到佢哋俾大家嘅感觉。尤其是Dicky，佢好清楚我想大家表达乜嘢，一直带住大家，始终都系最大（年纪）。”Dicky一脸认真，扮作有感而发，说：“长辈嘛，‘牵牛上树’系有啲难度，仲要系三只牛，但系佢哋都算乖、听话！”

事隔12年，BIG FOUR不但成家立室，苏永康更炎嫩升爸爸，问他如何凑仔又开骚？他说：“轮到佢就返我一次啦！囝囝自出生开始，成日见到呢三位叔叔，又分别睇过佢哋唱歌，但未见过我哋四个同台表演。”Edmond爆料：“佢成日迫个仔睇架！”一人一句，现场充满笑声。Dicky说：“BIG FIUR走埋一齐，自自然然就会带到快乐畀大家，经过咁多年月之后，希望今次除咗快乐，大家有更多得著。”Jan以醇酒形容他们的友谊和情怀。