伍富桥远赴欧洲拍新歌MV 太太出任MV女主角：佢话入面会死先肯拍

伍富桥今日（8日）在IG推出新歌《你是我的蔷薇》MV，今次MV远赴英国、芬兰拍摄，伍富桥最感谢太太肯担任MV女主角，更表示MV情节有点悲情，太太才答允演出，他说：“其实好难叫得郁我老婆去演出做女主角，点解今次得呢，因为今次唔算系正式自己歌啦，系cover歌，团队就系我同大家朋友拍啲片再剪埋一齐，因为咁所以佢唔介意出镜，同埋因为个故事唔系甜到漏𠮶只，有啲悲伤咁佢就接受到，佢话太过sweet 自己唔会想做，佢话自己喺MV入会死就啱喇，佢就会出现喇。”

而伍太透露今次系悭家拍摄：“冇用好多钱，机票都系Asia miles换嘅，跟住啲内陆机好平，讲紧系千几蚊一个人，所以无乜驶钱，拍摄地点都系搭接驳巴士去。”
MV 由伍生、伍太及找同行朋友拍摄，所以制作成本相当经济，反而最大挑战是天气，伍太说：“芬兰𠮶阵得负廿几、三十度，朋友帮我哋用航拍，佢当时以为部机坏咗，以为无咗讯号，原来佢对手冻到郁唔到，同有啲镜头我帮手揸机拍，我要除手套影，我只手都冻到僵咗。”