容祖儿澳门演唱会连开三年　被催去启德开骚表示要向谢霆锋取经先

香港乐坛天后容祖儿连续第三年进驻澳门新濠影汇综艺馆举办《ETERNITY》演唱会，继前两年累积二十场精彩演出后，自本月12日起展开最后十场压轴篇章。首场演出即以重新编排歌单惊喜登场，天后状态fit到漏油，更重现14年前结他弹唱经典场面，引爆全场歌迷热情。

此次演唱会， 祖儿特别重新设计节目流程，祖儿坦言对近距离舞台格外珍惜：“难得能在这么亲密的场馆与歌迷相聚，每首歌都变成万人大合唱，第一场之后已经谂，得返9次，要好好珍惜。”演出中，她以一袭帅气西装造型自弹自唱代表作《空港》，重现《NO.6》演唱会经典画面，坦言：“紧张到汗流浃背，因为太多汗，所以眼镜差啲滑落，哈哈。”但祖儿潇洒英姿仍被粉丝盛赞“宛如女超人变身前”，现场尖叫声不断。

坚持“年年革新”的祖儿，今次不仅挑战乐器演出，更打破传统演唱会框架，她表示：“第三年站在同一个舞台，我好珍惜可以喺一个咁近距离之下，同歌迷一齐唱歌，大家一齐狂唱，听到你哋合唱歌声，每一次都好感动……第一场之后，我已经开始唔舍得啦，得返9场咋，好想每一场都见到班歌迷，好想剩返𠮶9次，都一齐再狂唱啰，希望同大一齐为呢趟横跨3年嘅音乐旅程画下璀璨句点！”演唱会上，歌迷不停向舞台上的祖儿送上礼物，有人送“开工大吉”利是、花，又有很多Miffy公仔，祖儿接到手软，拿著水怪HANGYODON公仔后笑道：“旧年有歌迷话我同佢似样，哈哈，唔知点解我就佢扯上咗不解之谜，哈哈哈，不过呢你哋唔好再送公仔俾我喇，我屋企啲公仔已经够晒多喇，我大个㗎喇，你哋究竟知唔知我几岁呀？重有5年就五张喇！”

祖儿又表示，“希望系呢两个月会出到最新作品啦，大家真系有等我出新歌㗎？系咪真㗎？唔好𠱁我开心，我有时都会谂，究竟依家我喺乐坛里面，系一个咩位置？大家系咪听紧我嘅旧歌？定我要好努力追紧个潮流，出好多新歌？好多朋友不停问几时有新歌，几时有个人大型演唱会，唔好催，慢慢嚟，适当时候就会出现，好冇？”歌迷纷纷回应:  “等呀！等几耐都等！”

祖儿首场演出，英皇集团主席杨受成夫妇、闺蜜蔡卓妍及彭秀慧低调惊喜捧场，令她十分开心，两晚演出完成后，下周复活节假期及之后五一长假，祖儿也会于澳门跟歌迷共渡，祖儿透露已接获众多亲友预告：“大家都话今年4、 5月唔好飞咁远喇，正好我喺澳门，就决定近近地要过澳门揾我，边玩边看演唱会。我听到都好开心，到时会一定会好热闹。”

祖儿今次的演出日期与香港谢霆锋演唱会撞期，笑问她是否要同霆锋打对台，祖儿话：“哈哈！真系本来系打对台㖞，但系天意安排，未知霆锋个骚日期系旧年已经定咗，霆锋𠮶几日我香港有工作，所以停一星期，所以个天都要我返嚟睇谢霆锋呀！我可以喺香港都好开心呀，我要再去启德园，睇霆锋取经呀！”

霆锋25年后再次开骚，祖儿已经是舞台女皇，仲要向霆锋取经？祖儿笑道：“千祈唔好咁讲，第一无论如何要支持老友霆锋，第二，启德呢个场，我都未做过，我咩经验都冇，我真心等睇霆锋向佢取经。”咁言下之意，祖儿下一次再开个人大型演唱会，真的选址启德体育园？祖儿笑言：“我都希望，但都系要睇所有配合啦，做埋澳门先再计划㗎啦，我喺台上都系咁同歌迷讲，筹备紧新歌喇，大型演唱会几时呀？唔好催啦，我哋努力紧㗎喇。”