Edan吕爵安苦练咬字录新歌　出动私伙钢琴拍MV：摧毁咗屋企部琴

MIRROR成员吕爵安（Edan）周三（27/1）推出首支个人单曲《E先生连环不幸事件》，截至周六（30/1）傍晚6时半，总浏览率已经接近34万，日前更挥低Hit爆的《天笠鼠车车》，荣登YouTube热门影片第一位。
歌曲大受欢迎，Edan感动之余亦有在IG答谢乐迷支持：“小安我真系谂都冇谂过，衷心多谢所有钟意呢首歌，听过呢首歌，畀过Comment，Share过嘅朋友。其实我知道有呢个成绩系因为大家好想帮我，好想令更加多人认识我，所以先会咁落力去宣传。多谢大家咁爱爵安，比咗一个咁好嘅开始我，好感动。爵安接住落嚟都会继续‘尽力做我这手牌’，希望有机会比更加多好嘅作品大家睇到。”

Edan接受《香港01》访问时指《E先生连环不幸事件》是一首为他度身订造的歌曲，整个录音过程共录了8个Sessions（以业界惯例，大约24小时）：“呢首歌系度身订造，Edward揾咗Cousin Fung、Raymond（温翰文）同我去参与创作，我哋作咗好多首唔同嘅Demo，最特别嘅系Raymond嘅Demo Mix埋Cousin嘅Demo再加我自己嘅意见，录音录咗8个Sessions。Edward畀咗好多机会我去试，慢慢改我啲坏习惯。”

不少人大赞Edan咬字有进步，他说有特意去读报纸以及上网寻找正确读音：“咬字真系有去练，经过《男排》之后发现自己讲嘢真系好大问题。有读报纸，上网Search返啲读音，日常生活开始讲嘢慢返少少同埋留意返啲咬字，慢慢好紧但未好晒，会继续练。”

提到MV拍摄时的趣事，Edan指出动了私伙钢琴又返回母校（荃湾可风中学）取景，当中的一场摊牌戏更令他非常难忘：“好多谢大家咁钟意，见到咁多人睇好开心，总算冇辜负幕后制作团队，佢哋仲辛苦过我。趣事就系用咗我屋企部琴，将佢摧毁变成MV部琴，又返咗自己母校拍摄，有一场感情好激动嘅戏都觉得好难做，呢几点都好难忘。”

Edan所讲的激动场口就是他与林家熙（Locker）及谭旻萱（Mandy）在天台的一场摊牌戏，因为主角对白是“无声”的，亦令观众相当好奇。记者就同大家拆解当中的三句对白，Mandy先向Edan打眼色示意他离开，随即向Locker表白说：“我钟意咗一个人”，Locker反问：“边个呀？”Edan回来时看到Mandy哭泣便上前质问Locker，Locker说：“唔钟意就唔钟意㗎啦”，有眼利的网民，刻意校慢速度，翻开50次之后，指Locker背向镜头后向Edan说出：“我钟意𠮶个系你呀！”短短几句对白就交代出Edan喜欢Mandy、Mandy喜欢Locker，而Locker却喜欢Edan的连环错爱故事。

点撃逐格睇《E先生连环不幸事件》MV：