劲歌金曲2020︱林家谦连夺两奖　对上年表现收货：有啲奖超出所想

《2020年度劲歌金曲颁奖典礼》在昨晚（17/1）完满结束，林家谦赢得“最佳唱作歌手金奖”，并凭《一人之境》夺得“最佳原创歌曲金奖”。他对2020年成绩相当满意：“有啲奖项其实系超出我所想嘅，特别系歌手类别嘅奖项，始终自己系幕后作曲出身，有时候唱歌嘅信心唔够作曲多，当我喺唱歌领域上面有奖项嘅肯定，都系一支强心针。”

谈到大热作《一人之境》，虽然在劲歌及港台夺奖，但在新城及商台饮恨，不过家谦仍喜见歌曲在网上点击率高：“始终每个颁奖礼都有自己嘅准则，例如有啲系DJ钟意嘅，但系外面串流平台嘅就系民众最钟意嘅，所以按唔同标准有唔同嘅奖系好正常。《一人之境》喺好多乐迷嘅心目中系好好嘅作品，其实就已经好够。”虽然他今年有四首歌入围《劲歌》，但自己却无缘角逐“最受欢迎男歌星”，他笑指：“可能佢当我女歌手呱？我冇乜点留意，可能系打漏咗？其实冇乜所谓啦！”

家谦是近年冒气的乐坛新血之一，2021年在乐坛颁奖礼更是收获丰富，被问到会否担心来年成绩不升反跌，他指自己从来不以奖项界定当年表现：“其实满足感系来自于乐迷嘅反应，至于颁奖礼上面一啲奖项嘅肯定，我放得好轻，因为放得重嘅时候就容易有落差，例如我计住下年少咗两个奖，咁我咪要好唔开心？所以我尽量将佢放轻啲，咁对自己心态都会好啲。”虽然近日不时亮相于幕前，但他依然向往过往不被大部份人认出的日子：“如果真系变咗一个明星咁，我会好惊。”

劲歌金曲2020︱莫文蔚《呼吸有害》夺金曲金　一文睇晒足本赛果

劲歌金曲2020︱38年来首次！　周柏豪胡鸿钧同夺最受欢迎男歌星

劲歌金曲2020︱菊梓乔三夺最受欢迎女歌星　赢6奖称霸感谢妹妹

劲歌金曲2020︱女歌手御寒够密实　连诗雅骚长腿王君馨性感热舞

劲歌金曲2020︱BOP天堂鸟头炮出场　“最佳男配角”白彪惊喜亮相

劲歌金曲2020︱谭嘉仪未成获奖大热门　靠黑色吊带小性感晚装取胜

劲歌金曲2020︱双料视帝王浩信再上台　勇夺“人气王大奖”超惊喜