郑中基自认出道不解潜规则：去某台客串就有更大机会入围颁奖礼

香港电台第二台推出全新音乐节目《音乐说》，邀请不同歌手以音乐细诉自己的故事。主持王耀祖在第一集就请来郑中基，以不同歌曲概括回忆入行以来的高低起跌，并剖白鲜为人知的内心世界。

忆台湾辛酸生活　初出道已想退居幕后

不谙国语的郑中基，忆起在台湾出道前的一年过得十分辛酸：“出碟前一年我只身到台湾，逼自己每日一个人都要出街讲国语，又喺公司读报纸，同事行过就纠正我读音。”郑中基以《左右为难》形容初入行时期的自己，只因当时为宣传新碟，被安排到不少综艺节目亮相，而在1997年推出国语专辑《绝口不提!爱你》时，他惊觉与歌手的身份愈走愈远，更一度想过退居幕后：“𠮶时已经觉得自己唔系唱好多show，冇咁多现场表演畀观众直接睇到。喺街度会有人同我讲‘我睇过你做𠮶个节目，好叻呀你！’我谂即系你其实唔系听我哋歌，你只系钟意睇我做其他嘢。”

不过，郑中基在专辑宣传起后开始到访不同校园，他坦言当时透过与学生互动，重拾成为歌手的兴趣：“𠮶时去到唔同嘅大学、中学唱歌，又会同佢哋夹Band，有时会弹下佢哋啲歌，𠮶阵觉得好开心。我喺筹备第二只碟嘅时候问‘我可唔可以做咗呢啲先？’去到校园，佢哋钟意就钟意，唔钟意就会冇乜反应，所以听到佢哋有反应就会好开心。”

后来郑中基带著人气进驻广东乐坛，音乐路发展可谓急步上扬，但他直言对当时香港娱乐圈内的“潜规则”大惑不解，感到十分迷茫：“我冇谂咁多圈内嘅‘政治嘢’,以前好唔明白,去某台客串剧集、做个节目，就会有更大机会入围乐坛颁奖礼。我唔识呢啲游戏规则，只系谂如果我好叻呢啲手段，系咪即使唔使唱得叻都得？”时至今日，郑中基坦言，希望后辈能专注事业上的发展：“依家同啲新人合作，我会将𠮶啲问题留返畀我，佢哋去搞创作，去谂佢哋觉得啱嘅嘢。”

育儿心得受父亲影响

郑中基在节目中重谈低潮期，称当时的唱片公司亦放弃了自己，而他在美国自我进修时，是刘伟强向他伸出援手：“喂，你都冇嘢捞㗎啦！返嚟拍戏，我畀两个角色你拣。”那正是2001年由黎明主演的电影《不死情谜》。郑中基在即将播出的ViuTV剧集《暖男爸爸》中，饰演患忧郁症的单亲暖男爸爸，他在现实中与子女关系十分亲密：“佢哋唱歌𠮶时，我又会加入唱埋一份。我吹紧色士风，阿仔又会拎支牧童苗突然加入。”他的育儿心得是尽量不干扰小孩的选择，希望他们独立思考，现在回想这原来深受其父亲影响。

爸爸郑东汉是知名唱片公司高层，他曾寄语尚未出道的郑中基：“呢个世界得一个张学友，唔会有第二个，亦都唔会有第二个许冠杰、邓丽君。你要自己谂，可能之后唔会咁成功，或者可能会成功啲，但系千祈唔好话做第二个张学友，冇可能。依家就话咗畀你听，咁你自己谂下做唔做。我唔会主动话你知要做乜，但你有问题可以随时嚟问我。”要以一首歌总括两父子关系，郑中基毫不犹豫地选择《许愿树》：“呢首系我爸爸第一首帮我弹嘅歌，当时我第一次喺红馆开演唱会，佢主动提出要帮我弹一首由我作曲嘅歌畀我唱。我爸爸唔系好识讲鼓励嘅说话，呢次系佢咁耐以嚟最明显嘅一次表达。”

至于今年的音乐发展，郑中基透露目前正筹备新专辑，将过往耳熟能详的作品重新演绎：“例如之前有啲新曲加精选专辑，我唱完几首新歌，搭埋落去以前啲歌，我自己都冇办法由头听到落尾。（风格问题？）系，啲声唔同咗，唱嘅感觉又唔同，我想其他人听返啲旧歌，你可以有多一个选择，就等于依家你喺演唱会度听我唱，一定系有唔同。”