郑欣宜忍痛取消处女演唱会 Fb Live含泪宣布坏消息
撰文： 陈奕熙
出版：更新：
今次真系女神有问题喇！郑欣宜（Joyce）宣布原定今晚于九展举行的《郑欣宜女神有问题演唱会2016》，因为台风海马影响，正悬挂8号西北烈风或暴风讯号决定忍痛取消，Joyce更于中午在Facebook Live宣布此事，其中她更手持黄色的海马剪纸出场，相当有诚意！
“Hello，大家好，我有嘢宣布啊，对唔住啊，本身今晚《女神有问题演唱会2016》首场，系今晚嘅10月21日夜晚举行。不过因为依只咁既海马揈极都揈唔甩嘅原因，咁所以我哋依一场《女神有问题演唱会2016》呢，就要改期到去10月23号，听晚个场会照常开，系因为安全问题啦，同埋打到八号风球以上场地系会冇人嘅，啫系我就算好坚持碌到入去呢，都会冇人开门畀我入去开骚畀你。”
而Joyce亦有讲到观众可以手持21日的门票于23日照常入场，至于退票事宜，Joyce表示除了个人Facebook page会持续update，亦可以于星娱乐及快达票的网站得到详细资料。
Joyce直言知道有好多朋友因台风关系滞留机场，讲到此时Joyce更眼泛泪光：“好多喺外国、温哥华、美国同埋内地朋友飞唔到返嚟，希望你哋可以睇到23号个场，我唔会因为依件事而唔开心㗎，因为贵人招风雨丫吗！”她又笑说直至昨晚都依然好坚持想开骚，可以原本真的没办法，又接连鼓励自己：“冇问题，女神有问题演唱会系冇问题嘅！”
直播结尾时，Joyce笑说手上的海马想今朝亲手造的劳作，更自爆“海马、河马傻傻分不清”：“我喺网上search海马系点嘅样，一路以为系好肥，喺水到升上嚟个只，但原来个只系河马！”不过开完玩笑后，Joyce似乎又再想喊，所以快快手关掉直播。Joyce，你要打起精神准备之后两日的演唱会啊！