本周Jer住你｜谢安琪再看《囍帖街》：提起自己好似净系得呢件事

音乐人Jerald（陈哲庐）在今集《本周Jer住你》继续访问谢安琪（Kay），他以Swing《1984》打开话题，问及Kay对12年前代表作《囍帖街》的感受。她直言自己对此曲的感受复杂，因为在一曲成名背后，Kay要面对八卦新闻带来的压力。

Kay直言自己性格适合相对平静的生活，相识的人不多，亦安于在一个小环境下专注工作，其后开始推出《钟无艳》、《神奇女侠的退休生活》等较流行的作品，但她坦言对面对大众的不安感早在《钟无艳》时期已经萌生。加入环球唱片后，Kay凭《囍帖街》横扫2008年度乐坛奖项，亦让她的知名度飙升，在Kay的事业上占一重要位置。一曲成名，理应是歌手最愿意看到的现象，但Kay却认为：“最弊就系当呢只歌推出嘅时候，系香港史无前例最多八卦杂志、娱乐新闻最盛行嘅年代。呢个时候突然间有个新嘅人企咗出嚟，好似佢就系一个好好嘅材料畀大家去操作，我就系食晒𠮶个位。”

《囍帖街》是在香港乐坛得奖最多的一首作品，其中更包括最后一届四台联办歌曲、大碟及歌手奖。Kay直言在荣幸、安慰以外，《囍帖街》更带来一种无形压力，认为歌曲肩负的东西太多。她表示：“《囍帖街》代表咗其中一页嘅我，但系好多人都净系停喺度，唔睇其他嘢。例如我嘅起源，佢哋好似都唔系好在乎；到我《囍帖街》之后再努力去做嘅音乐，好似又唔系咁著眼。我都会有呢个感觉，提起呢个人好似净系得呢件事咁。但系我会努力嘅，我条路仲有好长㗎嘛。”

Kay更指：“如果由音乐开始认识我，我觉得系好啲啦，但系有更多人第一次听我个名，或者睇关于我嘅嘢，其实系来自八卦新闻㗎。佢哋开始接触我只不过系咗呢啲嘢，对我嘅睇法就系喺呢度。”她直言每次想起《囍帖街》，就会想起初初成名的阶段，更指：“《囍帖街》系我其中一页，但系我都希望人哋谂起谢安琪呢个歌手，你知道佢系有好多面向，佢系有好多质感，《囍帖街》只系其中一面。”Jerald亦解释以《1984》带出《囍帖街》的原因，认为两首各自代表两个音乐单位的作品有很多共通点，更笑指：“我知道系好复杂嘅，所以我唔使解释啦，畀你解释晒，如果日后有人问我关于《1984》嘅嘢，我就会叫佢去听返你嘅说话。”