《Chill Club》推歌曲排行榜或设颁奖礼　金广诚欢迎与星梦合作

ViuTV音乐节目《Chill Club》即将踏入第三季，并将推出“Chill Club推介榜”，由下星期日起（31日）为观众推介10首本地热播新歌。ViuTV制作部副总裁金广诚今日接受访问时表示，不排除会于年末举行乐坛颁奖礼，同时欢迎TVB旗下星梦娱乐歌手参与。

记者会阵容星光熠熠，即刻睇下有边啲歌手出席？（按图放大）（陈志岚摄）

“Chill Club推介榜”每周上榜歌将由ViuTV制作部及《Chill Club》台前幕后投票选出，在节目时段更会邀请歌手演绎上榜曲目。金广诚指节目逐渐得到好评，制作组决定更进一步推出歌曲排行榜：“希望大家觉得钟意听呢啲音乐，认可呢啲音乐，唔希望大家觉得呢个世界冇晒音乐，因为依家我想畀大家知道，我哋嘅平台都希望畀到音乐大家。”他更指幕后曾有进一步打算举办乐坛颁奖礼：“我哋都要睇下接受性有几大，因为我哋都要畀观众知道呢个颁奖礼嘅启发有几深。我哋都希望歌手有机会聚首一堂，好似今日咁开心，就好似开紧个party。”他又指不担心公信力问题，认为排行榜旨在向乐迷推介新歌。

TVB“劲歌金榜”近年力推旗下星梦娱乐歌手作品及剧集歌，而“劲歌金曲颁奖典礼”更被网民批评“围威喂”。被问到会否邀请星梦歌手参与推介榜，金广诚指欢迎星梦在内任何唱片公司及歌手参与：“如果佢哋觉得可以过嚟嘅咪过嚟做啰，我哋欢迎每一个歌星、每一组人都可以过嚟我哋个节目，边个嚟都得嘅。佢哋系想推介自己嘅歌，咪过嚟唱歌啰。”他更指节目已经致函邀请星梦歌手到ViuTV派台：“我哋都有发过信畀对方话会有呢个榜，希望佢哋都可以畀啲MV我哋播，但系依家都未有回复。”至于涉及敏感议题的歌曲，金广诚不个别评论是否准许，只表示一定会向乐迷推介好歌。