姜涛 X 林奕匡合唱《难得一遇》　姜B学吹色士风竟然出古惑？

MIRROR成员姜涛日前首度与Phil林奕匡合作，二人除分别合唱姜涛的《亚特兰提斯》及Phil的《难得一遇》外，Phil更即席教姜涛吹色士风。不过初次见面，二人在对谈间就已经火花四溅。

谈到对方在自己心中的第一印象，Phil与姜涛并不相识，觉得这位后辈十分神秘，更指：“反而可能系一啲表妹会同我提过下。”至于姜涛则在入行前已经听过Phil的作品，不过他一时口快，竟指：“我好中意听你嘅一啲好浪漫嘅情歌，细细个已经听……呀唔系！即系未入呢行之前已经听。”说毕即引Phil捧腹大笑。

拍摄当日Phil为姜涛准备全新的簧片及吹咀，而姜涛在短短的5分钟内已学识吹奏一首简短的儿歌，并在镜头前与Phil合奏。事后姜涛兴奋表示：“其实同事问我有冇兴趣学色士风，我觉得OK啊！不过睇过好多人吹，但唔知系乜嘢一回事，唔明点解吹一啖气会有咁多音，所以未开始学时，一心谂到Phil教我已经好有压力，但到真正开始，Phil会令你整个过程都有好多新发现，感觉好得意！”Phil亦大赞姜涛表现：“好醒啊！未吹到个音已经唱到个音，而且个音仲好准添呀！哈哈！今次系我第一次教人，所以唔知系我教得啱，还是姜涛pick up得快，短短5分钟已勉强地学咗一首歌，已经好叻！”姜涛得知Phil为自己在镜头奉献了第一次，更希望下次有机会能教对方跳舞。

合作过后，姜涛与Phil都加深认识对方，Phil更指：“不嬲睇相觉得姜涛外表有啲Cool，好少笑，但亲身接触后，发现佢系几可爱，少少得意少少怕丑。”而姜涛亦分享说：“我本身唔多听广东歌，但我系会听Phil嘅歌，好开心有咁嘅合作机会，而且我哋都算内向又怕丑，感谢Phil迁就我讲咁多嘢。”Phil听罢即表示：“毕竟系前辈，入行都十年，要主动啲嘅，大家都怕丑就好难做节目喇！而且听到有后辈欣赏自己嘅歌曲，或者未入行已经有听过，有影响过你，系一件好开心嘅事。”