【郭富城慈善骚】唱足一个钟为幕后筹款：望政府及顾呢班自雇人士
撰文： 刘传谦
出版：更新：
《郭富城鼓舞．动起来Online Concert 2020》在炎热天气下顺利完成，城城在演唱会后直言，演出过程比预期辛苦，庆幸过程顺利，又希望透过捐款力量令政府正视舞蹈员及电影幕后工作者所面对的问题。
今次演唱会在摄氏30度高温下完满落幕，城城表示：“因为今日气压比较低，天气比较热，所以我哋比预期同彩排嘅时候，花嘅体力系要多啲嘅，但系我觉得整体都好顺利。”他不愿意为自己表现评分，指自己今日付出一百分：“今次演唱会其实系冇喘息嘅机会，只系旦哥（郑丹瑞）讲关于演唱会嘅目的、我嘅基金里面一啲细节，或者系讲少少过场嘅说话，其实就带返落去我嘅演出。同埋今次都系一气呵成咁又唱又跳，其实我依家把声都未回复正常，但系我觉得系开心嘅。”
城城透过是次演唱会所筹得的善款帮助舞者及电影幕后工作者，更希望政府能正视他们现今面对的问题：“如果睇到或者感受到我哋捐款力量嘅话，希望政府都可以去谂一谂，对呢一班为社会或者为大众付出嘅幕后精英，睇下可以点样去帮助佢哋。今日由我嚟发声，希望政府可以听到，帮助佢哋。”对于政府目前纾困措施都未能惠及业界，城城认为：“政府有佢哋嘅策略，喺整个纾困措施里面，可能因为政府都要帮助好多香港市民，呢样嘢系无可否认嘅，但系希望喺呢个帮助嘅过程里面，佢哋之后都可以顾及到呢班自雇人士。”
今日太太方媛及女儿亦有到场为城城打气，被问到明日如何庆祝母亲节，他只希望与家人吃个饭，陪女儿出外舒展筋骨，最后亦祝各位妈妈母亲节快乐，身体健康。
城城一家三口首度公开露面，场面温馨。（按图放大）（叶志明摄）
+6