MIRROR三子爆姜涛手指惹祸早有前科　AK：佢粗都唔系新鲜事

昨日姜涛被指于Instagram赞好有关闹爆“废青”的留言，他随后发限时动态澄清指因手指太粗而按错，并就事件道歉。今日MIRROR另外三位成员Anson Lo (卢瀚霆)、Anson Kong (江𤇹生)、阿Jer (柳应廷)出席商台活动时回应事件，亲证姜涛上社交网站时经常因“肥手指”错漏百出！

席间三子先拿起间尺量度食指粗度，原来三位之中又以Jer最粗，他指：“我系三个之中比较肥𠮶一个，手指就会肥啲啰！”被问到Mirror成员中哪位手指最粗，他们都一致认为是姜涛。Anson Kong笑言：“大家睇返佢以前啲相，佢（手指）粗都唔系啲咩新鲜事啦！”Anson Lo则补充：“佢唔系骨粗，而系肉厚；所以我哋唔系话佢粗手指，而系肥手指。”

究竟姜涛今次为何犯错？原来他本人全不知情，要靠Error的肥仔提点才知道自己like错留言。Anson Kong随即示范姜涛玩电话的模样，拨一拨电话，他就会拿著手机照镜。三人推断今次姜涛因大意犯错，Anson Lo更大爆今次姜涛并非第一次上社交媒体发生虾碌事：“例如佢之前unfollow咗AnsonKong啦，之后近排先至follow返佢啦。或者佢like返一啲以前嘅相，其实可能系有时唔小心hi到个制嘅时候，佢都会禁咗一啲佢唔知嘅嘢。”

经过这次事件，三位又如何帮助姜涛避免重蹈覆辙？Jer建议姜涛换电话：“换𠮶啲有电子笔嘅电话，咁佢咪冇咁容易笃错。”Anson Kong更笑言：“我觉得系要请个人喺隔离长期睇住佢。请唔请我呀姜涛？”虽然互开玩笑，但Anson Lo就指大家一直都有互相提点，看来他们都很希望帮助队中这位大头虾。

MIRROR经理人花姐昨日早上知道事件后，马上安慰姜涛：“我只手指都肥嘅，所以我完全明白佢犯呢个错真系好易。”被问到如何提醒MIRROR成员小心使用社交媒体，她指：“既然你哋系公众人物嘅话，每一个comment同埋like都可能系代表紧公司同埋自己嘅立场，所以要小心处理。”

另外，三子除为拍摄新剧忙碌外，亦正各自筹备个人第二首单曲，预计三首歌都会在年中面世，不过Anson Lo则指三人作品并不会再同时推出。过往MIRROR作品主要以追梦为主题，因此Anson Kong希望透过个人作品突显成员不同的个人风格：“希望我哋今次呢几只solo都可以做一啲唔同风格畀大家睇到。”