【劲歌2019】菊梓乔成大赢家背后辛酸　一件事令佢喊足几个礼拜

菊梓乔（Hana）今日在《2019年度劲歌金曲颁奖典礼》连夺6奖成大赢家，确立星梦一姐地位，她在台上讲感言时越说越激动。在后台访问时，她激动说：“攞完演绎奖𠮶下，冇谂住自己会再有女歌星奖，𠮶下真系‘哗⋯⋯’咁样，因为每次攞奖都得来不易，觉得自己好幸运！”

Hana得奖时感激Fans支持，提到去年发生了很多事情，如果没有Fans支持就不能坚持下去。到底何事令她如此崩溃？她说：“其中一件事系我失声，当时我depress得好严重。我企喺大球场个舞台上面播歌播咗半个钟，可能会畀人闹，𠮶种感觉好无奈，又好嬲自己点解要病！但病我真系控制唔到，责怪咗自己好耐，几个礼拜都喺屋企喊！”

Hana又提到，觉悟演艺事业如过山车一样：“其实我冇谂过自己会开到演唱会，觉得系冇可能嘅事，呢一行好似过山车咁上上落落，可出慢一首歌啲人就已经唔记得你，所以要不停做！虽然经历过迷失，但我会睇返自己初出道嘅作品，去挞返著自己团火。”

另外问到，对于外界以“一姐”形容自己，但同时引来不同声音，她会如何处理？Hana说：“真系唔容易，明白有好多唔同声音。上一年好内疚，但又唔知内疚啲乜嘢，又怪责自己。上年攞咗最受欢迎女歌星呢个奖之后，好惊喜之余亦有都有担心过要点样承接落去。好彩有前辈提点，令我唔再执着，依家只求一件事，就系做好自己！”她续说：“今年好好彩攞咗好多奖，好多人都会问我‘咁下年点呀？’我觉得下年先算啦，就算攞唔到都唔紧要，我觉得已经好好㗎喇。”