【马浚伟演唱会】入行26年首开个唱　陈志云现身爆金句：光复乐坛

马浚伟昨晚（24日）于演艺学院举行入行26年首个个唱《Dream Big马浚伟演唱会2019》，陈志云现身担任嘉宾兼大爆金句：“你keep住出碟系咪要‘光复乐坛，时代革命’咁呀？”又带大家嗌口号“马浚伟加油”，全场气氛热烈。
摄影：梁碧玲

马浚伟在Live Band伴奏下唱出爽快有劲的《这刻向你冲》打头阵，接连唱出《重视你》、《你是我的日与夜》、《请你留步》、《3’07”》，不时走到台边与观众打招呼，非常亲民。演唱会部份星期六、日的场次改期，他向观众说：“本身有谂过成个演唱会延期，但系近日大家心情可能都比较忐忑、不安、唔开心，正正系因为咁我唔想改期，想同大家近距离唱歌倾偈，o氹下大家开心！”

大众都是从剧集认识马浚伟，而他亦主唱了不少剧集主题曲，所以他为观众送上“放题”，包括大家耳熟能详的“如梦初醒”（《心窍》剧集《蒲松龄》主题曲）、《洛神》的《水中仙》及《鹿鼎记》的《头顶一片天》等等，又唱出儿童节目《放学ICU》的主题曲。一听当堂回忆返晒嚟。在剧中他常演正气角色，他笑言：“都唔知点解拍亲剧都系俾人陷害，《洛神》同《铁血保镳》都系，同埋我成日演啲乖嘅角色，其实成日都想曳啲，有啲嘢唔可以睇样嘅，嚟紧会开套喜剧（电影）会做贱精！”过场片段盘点了马浚伟过往的古装造型，当中他说起自己如何开始“清朝人生活”：“当时添哥（李添胜）话‘你睇下你个样成个清朝人咁，唔信你揾啲书嚟睇下’，跟住珍姐（曾励珍）摸下我个后尾枕话‘凸出嚟㗎㖞，呢个咪皇帝枕啰，你做硬皇帝㗎喇’，就系咁我就接拍《鹿鼎记》，开始清朝人生活。”

马浚伟邀请到陈志云担任嘉宾，外号“志云大师”的他一出场便大爆金句，他先问马仔：“乜你暂别TVB咩？我冇睇好耐唔知道呀。同埋点解要咁强调同TVB关系友好嘅？系咪惊好似我咁呀？”此话一出引得全场哭笑不得。志云大师继续发功：“你keep住出碟系咪要‘光复乐坛，时代革命’咁呀？今时今日系要嗌几句㗎！马浚伟！（观众嗌“加油”）香港人！（观众嗌“加油”）”见马仔不想谈社会事件影响到观众情绪，志云大师打圆场说：“呢啲唔系政治嚟㗎，好啦唔问你嘢喇。”然后两人合唱粤曲经典《凤阁恩仇未了情》。

马浚伟又邀请到年届77岁白淑英“素人”婆婆上台表演，兼教现场观众跳舞，全场站起来跟著节奏舞动，这种互动展现了大型场馆没有的可爱之处。到演唱会尾声，马浚伟献唱出道作品《幸运就是遇到你》，以及主题曲《大梦想家》，他又表示：“我知道呢段时间开演唱会对票房会有影响，就算得一个人嚟我都会唱落去！希望今次演唱会可以令大家带住愉快嘅心情返屋企，我就已经好开心！”