【容祖儿演唱会】TWINS同关智斌做嘉宾　大爆Joey追求者就喺现场

容祖儿《PRETTY CRAZY》演唱会去到第九场，歌迷朋友终于等到Joey请来TWINS和关智斌（Kenny）做嘉宾，这个组合每次齐人都玩得好癫，所以Joey都很担心大家会失控，然而最后却是自己最忘形，更兴奋得跳起“屯门Happy伯”的成名舞步。

在介绍嘉宾出场时，Joey说：“今晚嘅嘉宾，有佢哋讲冇我讲，我哋系一齐长大嘅！”说到这里，其实答案都呼之欲出，歌迷便兴奋的欢呼，Joey续言：“我哋所经历嘅嘢，系你哋唔能够想像嘅多！我都曾经喺佢哋演唱会里面饮大咗，今日我就唔知佢哋会点对我，但希望佢哋会锡住我，唔好乱噏嘢啦！”说罢，便唱《风筝与风》欢迎TWINS出场。

容祖儿有日本男友？
TWINS从升降舞台上台后，便立刻飞奔与Joey拥抱，全场气氛顿时High爆，随即便一起合唱《大紫大红》。歌毕，Joey马上向歌迷大叫：“正呀！我啲姊妹嚟晒喇！”阿Sa便立刻接话：“喂！其实呢，容祖儿！”这个开场白让Joey十分紧张，立刻叮嘱：“小心啲讲嘢㖞！”阿Sa当然懒理，继续自顾自的说：“我想话呢，虽然容祖儿冇乜绯闻，但系你唔好以为佢冇人追呀！我话畀你听，真系好多人追佢㗎！今日呢度就有几个喺度呀！”阿娇更加是语不惊人势不休：“做咩呀？日本𠮶个呀？”听后，阿Sa便忍不住直接大笑起来，让Joey只能尴尬一笑：“咩日本𠮶个呀。”

阿Sa继续用卖关子的语气问台下歌迷：“系咪真系讲得㗎？”Joey立刻斩钉截铁阻止：“唔系，唔好讲呀！掩住你个嘴呀，攞对鞋塞住你个嘴㗎！”阿Sa当然不怕，也十分乐于逗Joey：“唔系㖞，听到佢哋好似好想听咁㖞！但其实容祖儿系未同人开始，就终止咗人哋嘅关系。”阿娇补箭：“其实个男仔几好！”二人炮火猛烈，让Joey应接不瑕，只能以专注事业为理由推搪，可惜连阿Sa也不收货，再问歌迷：“系咪大家都想容祖儿揾到个好归缩先？”Joey便掩面投降说：“我想龟缩呀！”

标童请Kenny出场
攻势告一段落，阿Sa就接着邀请Kenny出场：“算啦，但系钟意你嘅人里面，其中有一个好靓仔，今晚仲死都要同你一齐唱歌，佢仲有好多腹肌㗎！佢依家喺下面，我哋一齐请佢出嚟啦！”好友到场支持，让Joey份外开心，便接住做“标童动作”把Kenny从下面请上来，把台上台下都笑不停，四人便一齐合唱《死性不改》。

Joey跳屯门Happy伯舞
Kenny十分陶醉的唱完最后一句歌词后，Joey立刻对他说：“做咩啫！你依家当自己演唱会呀！”Kenny回答：“系啦，唔知点解唱唱下都眼湿湿咁！”阿Sa当然不忘宣传机会：“佢嚟紧9月有个演唱会呀！”阿娇接话：“14号已经卖晒，依家加场！加13号！”Kenny看到阿娇破梗，便立刻下跪说：“娇姐，畀个机会我自己讲啦！”让众人乐开怀，便配合Kenny，让他亲自重新公布加场消息。说罢，全场歌迷欢呼，Joey也兴奋得马上蹲下开跳“屯门Happy伯”的成名舞步，Kenny见状便立刻跟机蹲下一起跳，让阿Sa担心的阻止Joey：“喂呀！你咪跳啦，阵间整亲腰呀！”Joey笑着说：“唔系呀，呢个我喺屯门见过㗎！”又忍不住再试跳，让大家都冲上前笑着阻止，最后Joey对Kenny说：“你嘅地方就系我嘅地方，我嘅地方就系你嘅地方，总之你后面一定有我哋三个！”Kenny感动高喊：“龙虎豹，多谢！”