【全民造星】男团MIRROR九展骚红馆价？　花姐：啲飞卖晒都会蚀！

ViuTV选秀真人骚《全民造星》虽然已经圆满结束，但对于一班“造星仔仔”来说，现在才是真正开始，因为ViuTV今日（3日）在钻石山举行发布会，宣布男子组合MIRROR正式诞生，更隆重介绍12位成员，包括王智德（Alton）、江𤇹生（Anson Kong）、卢瀚霆（Anson Lo）、吕爵安（Edan）、陈瑞辉 （Frankie）、陈卓贤（Ian）、柳应廷（Jer）、李骏杰（Jeremy）、姜涛（Show）、邱士（Stanley）、邱傲然（Tiger）和队长杨乐文（Lokman）。

而《全民造星》监制花姐（黄慧君）亦有到场，她更在会上坦言构思节目时没有想过有此成绩：“估唔到几个月后，我喺呢个发布会上出现，更加估唔到，我成为呢队男子组合嘅经理人。”讲起组合名称MIRROR的由来，队长Lokman便说：“我哋每朝早都要照镜，见到自己真实嘅一面，同时间，镜如果得过一块，就可以反射好多个影像，或者无限个影像，好似我哋其他成员咁，我哋都系好独特、好无限，夹埋一齐会就无限嘅可能性。”

除了现场演绎第一首派台单曲《一秒间》，MIRROR亦与ViuTV总经理鲁庭晖一起宣布，MIRROR首个演唱会《2018 THE FIRST MIRROR LIVE CONCERT》将于12月21日和九展举行。

好多Fans、网友知道消息后都到MIRROR的Facebook专页上阅览相关详细，发现门票绝非便宜，最贵的门票卖$780，其他门票依次是$580、$480和$380。与林奕匡同样在九展举行的演唱会门票比较，最贵的仍比MIRROR最贵的平$200，而Supper Moment在红馆搞的演唱会，最贵门票亦是$780，所以MIRROR首个演唱会永远可以称得上“九展骚，红馆价”，当然MIRROR演唱会比起即将举行的泰妍或iKON演唱会等韩国单位，最贵票价达$1680平一大截，所以这个安排相对上是非常合理。

值与不值，向来都是见仁见智，好多粉丝明显非常期待这个演唱会，纷纷MIRROR Facebook专页上留言兼Tag人，相关详情出街不足8小时，便已经有300多个赞好，反应甚为热烈。

谈到票价问题，花姐接受《香港01》访问时便指价钱是由主办演唱会的大国文化决定：“虽然今次唔系我搞，但系我以前都做过演唱会，都知道所有骚只搞一场嘅话都肯定系蚀本，所有畀嘅钱都系用得一次，好似衫、队Band咁，所以就算系卖晒啲飞都蚀。（咁仲搞？）因为冇谂过系赚，公司都有问我搞唔搞，我就觉得一定要搞，因为好多Fans决赛时都冇机会嚟到，因为太少位，所以都想当呢个系粉丝见面会，等班仔仔可以有机会再多谢班Fans。”