【音匠相传】现今乐坛一样有宝藏　泳儿：点解成日要同以前比较？

发烧碟唔系老派歌手专利　泳儿：我嘅使命想将发烧碟年青化

泳儿的音乐作品涉猎流行曲与发烧碟市场，宏观来说，同样地在演绎流行曲，只是制作、编曲、技巧等方面有所不同。普遍人先入为主认为，发烧碟只适合老派歌手、老派听众，所以泳儿的使命就是想将发烧碟年青化，她说：“大家会先入为主，觉得‘Hi Fi碟一定系老派人听，老派人唱’，但其实只要你重新编曲时，选择一个新潮、现代感较重的曲风，一样可以做到老少咸宜。”

成日有人话“以前嘅歌好听啲”　泳儿：咁样睇乐坛有啲渺小

“以前嘅歌好听啲”、“以前嘅歌手劲啲”、“香港冇歌手可以接班”等等说话相信大家也听不少，甚至是你对乐坛的看法，泳儿却认为这种想法有点渺小，她说：“咁样睇乐坛会有啲渺小，点解我哋成日都同以前比较？以前就系过去咗，当年有好多天王天后，佢哋系传奇。点解一定要叻过佢，或者要打破佢纪录呢？佢本身系一个传奇，你都唔需要去打破，因为佢永远就系一个传奇。”

泳儿认为每一位歌手在自己独有的风格中，也可以是天王天后：“唔好用以前嘅标准去睇，要做到点先系天王天后，其实每一位歌手都系宝藏。即使佢未必飙得最高音，但有独有风格令你投入音乐之中，佢就系该领域入面嘅天王天后。”她更希望大众可以着眼现时乐坛的歌手，给予本土音乐多点支持。

泳儿唱《洗剪吹》吴浩康唱《感应》　音乐会当日有得听就好喇！

在早前的访问中，吴浩康(Deep)形容《音匠相传》音乐会是“唱家班之夜”，他更希望听到泳儿唱女版《洗剪吹》，到底我最期待的画面会否成真呢？原来泳儿都buy这个想法：“OK㗎！近期我自己都会唱一啲钟意嘅翻唱歌，都有谂过唱《洗剪吹》；我都好希望听佢唱《感应》男版，因为好少人翻唱，尤其系男仔唱，想听佢唱个Rock版！或者我哋Jam下都得㗎！”

泳儿同Deep想法不谋而合，未知音乐会当日会否梦想成真呢？

下载《香港01》App，睇尽【01众乐迷】精彩内容！
https://zh.hk01.com/issue/654

01众乐迷facebook专页已经开放，想抢先紧贴乐坛最新动向，想知道更多歌手、音乐人、乐迷嘅故事，快啲去呢度集合啦：https://www.facebook.com/01ppl.music