【格林美音乐节】 谢霆锋rock爆登场连唱6首歌　陈伟霆剥衫晒肌

被誉为音乐界“奥斯卡”嘅美国音乐界盛事“格林美音乐节”，4月30日首次喺北京举办，有份上台表演嘅都系国际级音乐人，好似格林美获奖者Daya、Macy Gray、乐队Phoenix、曾获格林美奖提名的Carly Rae Jepsen、乐队OneRepublic，最劲嘅当然系十一次获得格林美奖的Pharrell Williams。而最近勤练结他练到手指起晒茧、搞到开唔到屋企指纹锁要用脚趾纹开门嘅谢霆锋，连同陈伟霆（William）就成为今次音乐节嘅亚洲华人代表出席，同一班世界级音乐人同台献技。

轮到霆锋表演环节，虽然台上嘅led wall只系打出霆锋嘅名，但台下三万个观众已经嗌爆喉咙，然后八人乐队出场，戴住超嘅霆锋走到台前，以《玉蝴蝶》打开序幕，听到音乐前奏，全场立即high爆！唱完后佢就同大家打招呼：“Hello Beijing！”然后便唱出最新派台歌《放肆》、《因为爱所以爱》之后嘅一段结他solo更令fans进入疯狂状态，随后唱出《异想天开》同经典歌《谢谢你的爱1999》，当大家以为唱完时候，霆锋又嚟一段《活着VIVA》嘅结他solo，一句：“一起动起来！”将气氛推至高潮！

紧接住就系William同dancer又跳又唱《女皇》，跳到兴起，原本着住长袖外套嘅William除剩件黑色背心，大晒结实嘅麒麟臂同若隐若现嘅胸肌，fans见到即刻疯狂尖叫，而William亦都好贴心，为咗照顾唔同方位嘅fans，佢由原本嘅主舞台走到去另一舞台，大唱《loveU2》，fans们当堂冧猪晒。最后，William同大班dancer跳唱《W企划》，佢仲话：“其实中国不缺顶尖的舞者。”