黎瑞恩红馆骚想同囡囡一齐跳少女时代：可惜夹唔啱时间

小恩子又透露今次演唱会跳舞为乐迷送上惊喜，她说：“其实我跳舞都好叻嘅，哈哈！今次仲会跳得几劲添！”当主持问到会否邀请囡囡上台跳K Pop？小恩子则笑言：“但系我冇歌系K Pop㖞！哈哈！”另外，小恩子捐出部份歌酬予香流肾脏基金会，购买更先进的洗肾仪器协助有需要的病患者。

小恩子接受访问时，被问到距离演唱会还有不足3个月，期间又有新专辑发布，会否感到很大压力？她表示：“呢个月真系好忙，演唱会开会、新碟宣传呢啲嘢堆晒喺今个月做。”会如何分配时间陪伴子女？小恩子直言：“好难！不过佢哋都明白嘅，有时佢哋会陪我一齐做嘢。”

演唱会嘉宾方面，小恩子想过在台上与囡囡跳K Pop可惜就唔到时间：“本身有谂过同阿囡加埋啲同学一齐跳少女时代‘Tell Me Why～’𠮶首《Lion Heart》嘅。不过夹唔到时间，佢今个月尾要返澳大利亚。唯有下一次再有机会开演唱会，睇下可唔可以一齐夹一part。”另外，小恩子与乐队sp'ACE之前经合作一齐开Live，那会否请他们作嘉宾？她表示：“会呀！我都好希望有一part同佢哋一齐玩，因为大家都好夹，就好似家姊同细佬一齐玩咁，到时应该会唱Rock嘢！加上佢哋都系第一次喺红馆表演，应该系一个几好嘅经验！”